rauðhetta

Þá fer sæludögunum senn að ljúka - það ríkir því mikil sorg á þessum bæ

Helgi fer s.s. í fyrramálið! Þessi vika okkar er búin að vera alveg frábær og auðvitað hefur hún flogið áfram, ég er búin að setja allan lærdóm á pásu og hef sko ekkert samviskubit yfir því..... Nú þarf ég s.s. að vera súper dugleg - þetta er nefnilega verkefnaönn frá helv...

(afsakið orðbragðið). Alla vega nóg um það.
Við skelltum okkur í bíó áðan, litla fjölskyldan, og sáum myndina "Stórmynd Grísla". Við vorum rosa heppin þar sem lítill strákur sem sat fyrir aftan okkur fékk ælupest og munaði engu að hann ældi yfir Fannar litla - hann náði að æla aftan á sætið hans

Engu að síður góð ferð

Svo er AFTUR búið að bjóða okkur í mat og skellum við okkur til mömmu og pabba og fáum alveg örugglega eitthvað rosa gott að borða. Við höfum einungis eldað sjálf heima tvö kvöld frá því Helgi kom til landsins... alltaf eitthvað um að vera og mjög gaman að því

Komið að því að demba sér í mat... kveð í bili.

Ummæli

Vinsælar færslur af þessu bloggi

Arnar er í heimsókn hjá okkur núna

Lesa meira

Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....

Lesa meira

Eins og þið flest líklega vitið er litla prinsessan fædd.... lítil snúlla sem hefur fengið nafnið Sandra Ósk. Hún ákvað að drífa sig í heiminn aðfaranótt 3. október. Hún var að flýta sér svo mikið að ljósmóðirin sem tók á móti henni náði ekki einu sinni að skrá mig inn á fæðingardeildina áður en hún fæddist. Þessar ljósmæður verða alltaf jafn hissa hversu fljót þessi börn mín eru að koma í heiminn..... Fannar er rosalega stoltur af systur sinni. Nefnir nokkrum sinnum á dag hversu lítil og sæt honum finnst hún. Viktor aftur á móti hefur verið í smá baráttu um athygli en virðist þó vera farinn að sætta sig við hlutina núna. Hann er samt voða góður við hana og vill endalaust knúsa og kyssa hana. Allt gengur vel að öðru leyti. Sandra drekkur vel og sefur mikið.... alveg eins og það á að vera þegar maður er svona pínulítill. Hún er rosalega vær og góð.... algjör snúlla :) Fyrsta baðið - 6 daga gömul

Lesa meira