rauðhetta

Nenni nú ekki mikið að skrifa þessa dagana. Við reynum að nýta dagana alveg í botn enda núna bara 3 dagar þangað til Helgi flýgur aftur til Svíþjóðar

Við áttum alla vega voða notalegan dag í dag. Það var bara einn fyrirlestur hjá mér og ákvað ég því bara að sleppa honum. Við fórum svo aðeins í bæinn og skelltum okkur svo í sund þegar við vorum búin að sækja litla manninn á leikskólann. Honum finnst svo gaman að fara í sund enda er hann voða klár og langt í frá að vera eitthvað vatnshræddur - svamlar bara um eins og einhver fiskur. Ætlum svo enn og aftur að bruna til Keflavíkur en á morgunn er búið að bjóða okkur í kvöldmat - ekta fiskibollur hjá Ernu tengdó

Núna ætla ég aftur á móti að leggjast fyrir framan imbann og horfa á ER (bráðavaktin) sem við erum búin að taka upp

Ummæli

Vinsælar færslur af þessu bloggi

Arnar er í heimsókn hjá okkur núna

Lesa meira

Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....

Lesa meira

Eins og þið flest líklega vitið er litla prinsessan fædd.... lítil snúlla sem hefur fengið nafnið Sandra Ósk. Hún ákvað að drífa sig í heiminn aðfaranótt 3. október. Hún var að flýta sér svo mikið að ljósmóðirin sem tók á móti henni náði ekki einu sinni að skrá mig inn á fæðingardeildina áður en hún fæddist. Þessar ljósmæður verða alltaf jafn hissa hversu fljót þessi börn mín eru að koma í heiminn..... Fannar er rosalega stoltur af systur sinni. Nefnir nokkrum sinnum á dag hversu lítil og sæt honum finnst hún. Viktor aftur á móti hefur verið í smá baráttu um athygli en virðist þó vera farinn að sætta sig við hlutina núna. Hann er samt voða góður við hana og vill endalaust knúsa og kyssa hana. Allt gengur vel að öðru leyti. Sandra drekkur vel og sefur mikið.... alveg eins og það á að vera þegar maður er svona pínulítill. Hún er rosalega vær og góð.... algjör snúlla :) Fyrsta baðið - 6 daga gömul

Lesa meira