Fara í aðalinnihald

Hvar er bíllinn?!?!
Frá og með deginum í dag kemur mér ekkert á óvart lengur hvað varðar bílinn okkar! Ég tek það fram að ég er ekki að djóka - hef verið spurð að því nokkrum sinnum í dag......!
Ég var að fara í mat til mömmu og pabba í kvöld en þegar ég kom út á bílastæðið var bíllinn barasta horfinn!!!? Ég þóttist vera með það á hreinu hvar ég lagði bílnum en það var bara einhver hvítur bíll í því stæði. Ég strunsaði út um allt bílastæðið alveg kex rugluð en sá bílinn hvergi... viti menn - bara búið að stela bílnum!! Ég var ekkert smá hissa... hélt að svona lagað gæti ekki komið fyrir mig
Nú, ég hringdi því í lögregluna og þeir sögðu mér að koma upp á stöð og gefa skýrslu um málið. Eftir kvöldmat fór ég því upp á lögreglustöð með Guðlaugu og Svenna sem einkabílstjóra (þar sem ég var bíllaus!!) og í miðri skýrslugerðinni hringir síminn og það tilkynnt að bíllinn væri fundinn... á bílastæði í Bökkunum uppi í Breiðholti! Við förum auðvitað þangað og finnum bílinn. Mjög speisað að fara inn í bílinn þarna á planinu... ógeðsleg reykingafýla i bílnum og aska úti um allt (alls staðar nema í öskubakkanum), geisladiskarnir lágu á gólfinu og búið að róta í þeim (þeir voru þó alla vega í bílnum!) og eitthvað meira drasl í bílnum (þjófurinn hefur t.d. fengið sér kók og olsen olsen á rúntinum!). Bíllinn virtist þó vera í lagi og óskemmdur - sáum reyndar ekki mikið í myrkrinu þannig að ég þarf að kíkja betur á hann á morgunn.
Fannari leist ekki alveg á þetta... var voða mikið að tala um þjófinn... um að hann viti ekki hvar við búum o.þ.h - honum leist ekki alveg á að það hafi einhver ókunnugur bara getað tekið bílinn okkar! Hann var því aðeins rólegri þegar ég sagði honum að löggan væri búin að ná honum... sem er næstum því rétt en þeir gruna einhvern gaur um verknaðinn sem hefur víst stolið fjöldan allan af bílum um allt land.
Svona í lok dagsins er ég mjög fegin að vera búin að fá bílinn minn aftur en er samt ekki alveg búin að ná áttum yfir þessu öllu saman

Ummæli

Skrifa ummæli

Vinsælar færslur af þessu bloggi

Jólaskapið komið Hér er búið að snjóa í alla nótt og snjóar enn..... þar að auki alveg blankalogn þannig að það getur eiginlega ekki orðið jólalegra. Fannar er nú þegar búinn að henda tveimur snjóboltum í mig og var planið hans í dag að búa til fleiri. Það verður örugglega rosa stuð hjá honum í leikskólanum í dag :) Þetta barn stækkar svo mikið að hann er löngu vaxinn upp úr snjóbuxunum sínum síðan í fyrra vetur.... þær ná honum næstum upp á miðja kálfa! Það er sem sagt kominn tími til að við foreldrarnir kaupum handa honum nýjar kuldabuxur svo hann sé nú almennilega klæddur drengurinn.... ekki seinna vænna nú þegar snjórinn er kominn. Helgi var á næturvakt í nótt. Fannar tilkynnti við kvöldmatarborðið í gær að það væri bara gott að pabbi sinn væri að fara að vinna. Hann veit nefnilega að hann fær að kúra hjá mömmu sinni þegar pabbi hans er á vakt (þó hann hafi ekki nefnt það í framhaldinu :o)
7 ummæli
Lesa meira
Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....
8 ummæli
Lesa meira
Ég fór og heimsótti Huddinge sjukhus í gær. Fékk að fylgja eftir íslenskum sjúkraþjálfara sem vinnur þar. Hún gaf mér upp góðar upplýsingar um hvernig ég þarf að bera mig að til að fá löggildingu hér í Svíþjóð og svo erum við Edda búnar að vesenast smá í þeim málum nú í dag. Frábær tilfinning að þessir hlutir séu komnir í gang. Af því að ég er nú að tala um sjúkraþjálfun þá vil ég óska sjúkraþjálfaranum og vinkonu minni - henni Rósu - innilega til hamingju með daginn .... ég veit að hún er tryggur lesandi þessarar síðu. Nú er akkúrat vika þangað til mamma, pabbi, Guðlaug og Svenni koma í heimsókn.... mikil tilhlökkun í gangi hér á þessu heimili Að öðru leyti er ég búin að vera alveg farlama af harðsperrum undanfarna tvo daga. Hef ekki getað gengið upp og niður tröppur án þess að að finna gríðarlega til... meira að segja átt erfitt með að setjast á klósettið!!!!!!
3 ummæli
Lesa meira