Fara í aðalinnihald
Heitt!


Það er búið að vera svo ógeðslega heitt í dag. Hitamælirinn okkar sýndi 25 gráður í skugga. Við Fannar fórum í hjólatúr og svitnuðum eins og ég veit ekki hvað við lítið átak. Svo var náttúrulega bara eitt að gera.... að kæla sig í garðinum með því að sprauta vatni á sig úr garðslöngunni... eða alla vega Fannar gerði það hehe. Ísbíllinn er búinn að vera á sveimi í hverfinu í allan dag. Greinilega mikið að gera, þar sem hann hefur aldrei verið jafn lengi á sveimi í hverfinu. Ég er þokkalega komin með nóg af þessu litla stefi sem hann spilar endalaust þegar hann keyrir um. Hvað um það þá náðum við Fannar þó að versla nokkuð af frostpinnum þar og eigum nú góðan lager í fristinum.

Helgi er á vakt (kemur á óvart!?) en hann kemst sem betur fer í vikufrí eftir þessa vinnuviku. Við vonum að við fáum gott veður þar sem við erum að pæla í að kíkja á eina litla strönd sem við heimsóttum oft síðasta sumar. Svo á Fannar afmæli eftir viku og verður auðvitað haldið upp á það. Við eigum bara aðeins erfitt með að ákveða dag fyrir afmælisveisluna þar sem svo mikið stendur til næstu tvær helgarnar hjá vinum okkar hér. Það er eitt 4 ára afmæli núna um helgina og svo stendur til að Sigurður og Sunna verði með kräftskivor þar næstu helgi. Þetta kemur vonandi í ljós á næstu dögum - við þurfum svo sem ekki mikinn fyrirvara.

Við erum búin að vera að bíða eftir nýja rúminu okkar alla vikuna.... orðin doldið leið á þessari bið. Fyrst var okkur sagt að það kæmi á mánudag eða þriðjudag. Í gær var okkur svo sagt á þriðjudag eða miðvikudag.... en ekkert rúm er ennþá komið. Best bara að búast ekki við neinu.

Nú - nýjustu fréttir af leikskólamálum þá er Fannar búinn að fá pláss á einum sem heitir Vi som växer. Þessi leikskóli er að stækka við sig og er Fannar búinn að fá pláss á deild sem er fyrir 19 börn - búið að skrá 9. Fannar er elstur á þeirri deild enn sem komið er en það eru nokkrir strákar einu ári yngri en hann skráðir á deildina. Við erum ekki búin að taka plássinu þar sem við erum enn að bíða eftir svari frá öðrum leikskóla með betri staðsetningu.

Jæja - nóg mas í bili, bleee.

Ummæli

Skrifa ummæli

Vinsælar færslur af þessu bloggi

Jólaskapið komið Hér er búið að snjóa í alla nótt og snjóar enn..... þar að auki alveg blankalogn þannig að það getur eiginlega ekki orðið jólalegra. Fannar er nú þegar búinn að henda tveimur snjóboltum í mig og var planið hans í dag að búa til fleiri. Það verður örugglega rosa stuð hjá honum í leikskólanum í dag :) Þetta barn stækkar svo mikið að hann er löngu vaxinn upp úr snjóbuxunum sínum síðan í fyrra vetur.... þær ná honum næstum upp á miðja kálfa! Það er sem sagt kominn tími til að við foreldrarnir kaupum handa honum nýjar kuldabuxur svo hann sé nú almennilega klæddur drengurinn.... ekki seinna vænna nú þegar snjórinn er kominn. Helgi var á næturvakt í nótt. Fannar tilkynnti við kvöldmatarborðið í gær að það væri bara gott að pabbi sinn væri að fara að vinna. Hann veit nefnilega að hann fær að kúra hjá mömmu sinni þegar pabbi hans er á vakt (þó hann hafi ekki nefnt það í framhaldinu :o)
7 ummæli
Lesa meira
Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....
8 ummæli
Lesa meira
Ég fór og heimsótti Huddinge sjukhus í gær. Fékk að fylgja eftir íslenskum sjúkraþjálfara sem vinnur þar. Hún gaf mér upp góðar upplýsingar um hvernig ég þarf að bera mig að til að fá löggildingu hér í Svíþjóð og svo erum við Edda búnar að vesenast smá í þeim málum nú í dag. Frábær tilfinning að þessir hlutir séu komnir í gang. Af því að ég er nú að tala um sjúkraþjálfun þá vil ég óska sjúkraþjálfaranum og vinkonu minni - henni Rósu - innilega til hamingju með daginn .... ég veit að hún er tryggur lesandi þessarar síðu. Nú er akkúrat vika þangað til mamma, pabbi, Guðlaug og Svenni koma í heimsókn.... mikil tilhlökkun í gangi hér á þessu heimili Að öðru leyti er ég búin að vera alveg farlama af harðsperrum undanfarna tvo daga. Hef ekki getað gengið upp og niður tröppur án þess að að finna gríðarlega til... meira að segja átt erfitt með að setjast á klósettið!!!!!!
3 ummæli
Lesa meira