rauðhetta

Fórum í foreldraviðtal í gær. Bara svona spjall um hvernig Fannari gengur og hvernig okkur finnst hann taka þessu öllu saman. Honum gengur svona rosa vel... allir ánægðir með hann. Hann er farinn að tala svolitla sænsku bæði við krakkana og starfsfólkið en þegar hann þarf að berjast fyrir sínu eða frekjast svolítið þá talar hann íslensku - hehe sé þetta alveg fyrir mér. Eftir viðtalið leigðum við Helgi lítinn sendiferðabíl þar sem stóllinn og fótapullan sem við vorum búin að kaupa (fyrir 5 vikum) var tilbúinn. Ég ekkert smá spennt að fá þetta inn í stofu.... en auðvitað getur þetta ekki heldur gengið áfallalaust fyrir sig!!!! Þegar við vorum mætt á staðinn kom í ljós að verksmiðjan hafði sett vitlaust áklæði á allt saman. Mikið rosalega var ég SVEKKT! Afgreiðslumaðurinn baðst auðvitað afsökunar og gat lítið gert við þessu. Við fáum þetta þó alla vega sent ókeypis heim þegar þetta verður tilbúið.... eftir aðrar 5 vikur (buhuuu!).... enda vorum við búin að leigja bíl til einskins fyrir tæpar 500 skr.

Góðu fréttirnar er þó þær að Jói kemur í heimsókn til okkar í dag. Fannar er ekkert smá spenntur. Hann teiknar okkur litlu fjölskylduna mikið á leikskólanum - en núna fær Jói líka að vera með á myndunum :)

Ummæli

Vinsælar færslur af þessu bloggi

Arnar er í heimsókn hjá okkur núna

Lesa meira

Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....

Lesa meira

Eins og þið flest líklega vitið er litla prinsessan fædd.... lítil snúlla sem hefur fengið nafnið Sandra Ósk. Hún ákvað að drífa sig í heiminn aðfaranótt 3. október. Hún var að flýta sér svo mikið að ljósmóðirin sem tók á móti henni náði ekki einu sinni að skrá mig inn á fæðingardeildina áður en hún fæddist. Þessar ljósmæður verða alltaf jafn hissa hversu fljót þessi börn mín eru að koma í heiminn..... Fannar er rosalega stoltur af systur sinni. Nefnir nokkrum sinnum á dag hversu lítil og sæt honum finnst hún. Viktor aftur á móti hefur verið í smá baráttu um athygli en virðist þó vera farinn að sætta sig við hlutina núna. Hann er samt voða góður við hana og vill endalaust knúsa og kyssa hana. Allt gengur vel að öðru leyti. Sandra drekkur vel og sefur mikið.... alveg eins og það á að vera þegar maður er svona pínulítill. Hún er rosalega vær og góð.... algjör snúlla :) Fyrsta baðið - 6 daga gömul

Lesa meira