Vikan
Þessi vika er búin að vera aldeilis fín. Undanfarna tvo daga er ég búin að rölta um bæinn með Eddu minni... kíkt í búðir og farið á kaffihús og svoleiðis dúllerí. Helgi er búinn að vera mikið heima við þar sem hann er nú að ljúka næturvaktaviku - síðasta vaktin í kvöld og nótt - þannig að ég er alla vega ekki búin að hangsa ein heima þessa vikuna. Helgi fer svo í tveggja vikna frí núna eftir þessa vakt - ætli maður eigi ekki bara eftir að heimsækja nokkur kaffihús á þeim tíma og hafa það sem notalegast.
Fannari gengur svo vel á leikskólanum - starfsfólkinu finnst hann vera farinn að skilja miklu meira og þau skilja hann líka betur og betur. Hann sagði: "tack snälla" við pabba sinn um daginn þegar hann var eitthvað að aðstoða hann - hann er greinilega farinn að pikka upp hin og þessi orðin í rólegheitunum híhí. Hrikalega dúllulegt að heyra hann segja eitthvað á sænsku.

Á morgun liggur leiðin í barna-afmæli til Örnu og Einars Gunnars. Eldri strákurinn þeirra, Hlynur, er 5 ára. Ég hlakka bara til.... mér finnst alltaf gaman að hitta þetta Íslendingapakk hérna í Stokkhólmi og ekki finnst Fannari það leiðinlegt heldur.