rauðhetta

Eiginlega er bara ekkert að frétta af þessu heimili. Grenjandi rigning núna og ekkert gaman að vera á einhverjum þvælingi. Ég fór nú samt í IKEA í byrjun vikunnar og fyllti þar einn góðan innkaupavagn af dóti.... aðallega ungbarnadóti hehe. Keypti nú líka smá dót handa Fannari svo hann fái nú eitthvað líka :)

Nú er bara ein vika í að PP-meðlimirnir Guðmunda og Ragnar láti sjá sig á heimili okkar. Við erum mikið að pæla í því hvað við eigum að gefa þessu matarklúbbsfólki okkar að borða.... við verðum nú að standa okkur í eldhúsinu - þvílík pressa ;o)

Annars á Guðrún Karitas - viðskiptafræðingur, fjármálastjóri, húsmóðir, kvensnift og PP-meðlimur afmæli í dag. Óska ég henni og fjölskyldu hennar innilega til hamingju með daginn.

Ummæli

Nafnlaus sagði…

Þakka góðar kveðjur.
Þú manst að Mundu langar mest af öllu að fara í Ikea; spurning um að þið borðið bara í teríunni þar, sænskar kjötbollur á spottprís :-) hehe.
Kv.
Guðrún

10 febrúar, 2005 14:38

Nafnlaus sagði…

Já pressan er mikil Sara mín, við sættum okkur við margt skal ég segja þér, og erum ekki heimtufrekir gestir.
Guðrún: Ég held að þú ættir bara að skella þér í IKEA á Íslandi og hætta að öfundast svona út í okkur Söru!!!
Kv Munda, bara nokkrir dagar til stefnu.

10 febrúar, 2005 20:18

Vinsælar færslur af þessu bloggi

Jólaskapið komið Hér er búið að snjóa í alla nótt og snjóar enn..... þar að auki alveg blankalogn þannig að það getur eiginlega ekki orðið jólalegra. Fannar er nú þegar búinn að henda tveimur snjóboltum í mig og var planið hans í dag að búa til fleiri. Það verður örugglega rosa stuð hjá honum í leikskólanum í dag :) Þetta barn stækkar svo mikið að hann er löngu vaxinn upp úr snjóbuxunum sínum síðan í fyrra vetur.... þær ná honum næstum upp á miðja kálfa! Það er sem sagt kominn tími til að við foreldrarnir kaupum handa honum nýjar kuldabuxur svo hann sé nú almennilega klæddur drengurinn.... ekki seinna vænna nú þegar snjórinn er kominn. Helgi var á næturvakt í nótt. Fannar tilkynnti við kvöldmatarborðið í gær að það væri bara gott að pabbi sinn væri að fara að vinna. Hann veit nefnilega að hann fær að kúra hjá mömmu sinni þegar pabbi hans er á vakt (þó hann hafi ekki nefnt það í framhaldinu :o)

Lesa meira

Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....

Lesa meira

Ég fór og heimsótti Huddinge sjukhus í gær. Fékk að fylgja eftir íslenskum sjúkraþjálfara sem vinnur þar. Hún gaf mér upp góðar upplýsingar um hvernig ég þarf að bera mig að til að fá löggildingu hér í Svíþjóð og svo erum við Edda búnar að vesenast smá í þeim málum nú í dag. Frábær tilfinning að þessir hlutir séu komnir í gang. Af því að ég er nú að tala um sjúkraþjálfun þá vil ég óska sjúkraþjálfaranum og vinkonu minni - henni Rósu - innilega til hamingju með daginn .... ég veit að hún er tryggur lesandi þessarar síðu. Nú er akkúrat vika þangað til mamma, pabbi, Guðlaug og Svenni koma í heimsókn.... mikil tilhlökkun í gangi hér á þessu heimili Að öðru leyti er ég búin að vera alveg farlama af harðsperrum undanfarna tvo daga. Hef ekki getað gengið upp og niður tröppur án þess að að finna gríðarlega til... meira að segja átt erfitt með að setjast á klósettið!!!!!!

Lesa meira