Fara í aðalinnihald

helgarfréttir


Það snjóar og snjóar og snjóar hjá okkur núna. Kominn meira en ökkladjúpur snjór hér úti og kominn tími til að fara út og moka. Við ætluðum að rúnta niður í bæ í dag en ég veit ekki hvort það verður að því. Helgi ætlaði að sýna mér leiðina á T-centralen svo ég gæti nú sótt gestina okkar á fimmtudaginn.... ég rata nefnilega ekkert í miðbænum! Ferðinni er alla vega heitið í barnaafmæli á eftir til Kötlu sem varð fjögurra ára sl. mánudag. Þar munum við hitta flesta vini okkar og örugglega eiga góðan dag.

Í gær fóru Helgi og Fannar Már á stúfana og redduðu eldivið til að bæta kyndinguna í húsinu. Þeir fóru vígbúnir nýrri sög og exi (Fannar mjög kátur með þessi verkfæri ;) og keyrðu að litlum skógi þar sem mörg tré höfðu fallið í miklu óveðri sem var hér í byrjun janúar. Við vorum ekki alveg viss um hvort þetta væri leyfilegt.... við vorum alla vega viss um að ef þetta væri ekki leyfilegt þá myndi einhver koma og láta þá vita.... Svíarnir eru nefnilega MJÖG afskiptasamir þegar kemur að svoleiðis hlutum!! Og mikið rétt... ansi margir komu og spjölluðu við þá feðga um þetta en .... nei enginn vildi nú meina að þetta væri bannað. Þeir komu því heim með fullt skott af eldivið :)

Ummæli

Nafnlaus sagði…
Voða er gaman að heyra hvað Fannar er líkur pabba sínum með verkfæramálin. Enn betra að heyra með bætta kyndingu í húsinu, erum búin að stoppa í alla ullarsokka á heimilinu.
Hvaða lest tökum við á flugstöðinni? Hvar förum við úr henni?
Styttist og styttist.
Kv Munda
13 febrúar, 2005 13:58
Nafnlaus sagði…
Úff eins gott að vera tilbúin með heitt kakó þegar R&M koma heim eftir ferðina til Lapplands!!
Kv.
Guðrún
14 febrúar, 2005 10:20
Sara sagði…
Munda - haltu bara áfram að finna til og laga hlýju fötin... hér hefur snjóað svo mikið undanfarinn sólarhring (og á víst ekki að hætta alveg strax)!! Allt á bólakafi....

Helgi mun senda ykkur nákvæman leiðarvísi á ferðalagi ykkar.... þetta er nú samt ekkert flókið.... bara ein lest sem þið farið með á endastöð. Ég held að hann vilji dunda aðeins í þessu fyrir ykkur :)
14 febrúar, 2005 10:29
Nafnlaus sagði…
Frábært, við bíðum spennt eftir pósti.
Veðrið er þá bara svipað og hér.

Kv Munda
14 febrúar, 2005 11:59
Skrifa ummæli

Vinsælar færslur af þessu bloggi

Jólaskapið komið Hér er búið að snjóa í alla nótt og snjóar enn..... þar að auki alveg blankalogn þannig að það getur eiginlega ekki orðið jólalegra. Fannar er nú þegar búinn að henda tveimur snjóboltum í mig og var planið hans í dag að búa til fleiri. Það verður örugglega rosa stuð hjá honum í leikskólanum í dag :) Þetta barn stækkar svo mikið að hann er löngu vaxinn upp úr snjóbuxunum sínum síðan í fyrra vetur.... þær ná honum næstum upp á miðja kálfa! Það er sem sagt kominn tími til að við foreldrarnir kaupum handa honum nýjar kuldabuxur svo hann sé nú almennilega klæddur drengurinn.... ekki seinna vænna nú þegar snjórinn er kominn. Helgi var á næturvakt í nótt. Fannar tilkynnti við kvöldmatarborðið í gær að það væri bara gott að pabbi sinn væri að fara að vinna. Hann veit nefnilega að hann fær að kúra hjá mömmu sinni þegar pabbi hans er á vakt (þó hann hafi ekki nefnt það í framhaldinu :o)
7 ummæli
Lesa meira
Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....
8 ummæli
Lesa meira
Ég fór og heimsótti Huddinge sjukhus í gær. Fékk að fylgja eftir íslenskum sjúkraþjálfara sem vinnur þar. Hún gaf mér upp góðar upplýsingar um hvernig ég þarf að bera mig að til að fá löggildingu hér í Svíþjóð og svo erum við Edda búnar að vesenast smá í þeim málum nú í dag. Frábær tilfinning að þessir hlutir séu komnir í gang. Af því að ég er nú að tala um sjúkraþjálfun þá vil ég óska sjúkraþjálfaranum og vinkonu minni - henni Rósu - innilega til hamingju með daginn .... ég veit að hún er tryggur lesandi þessarar síðu. Nú er akkúrat vika þangað til mamma, pabbi, Guðlaug og Svenni koma í heimsókn.... mikil tilhlökkun í gangi hér á þessu heimili Að öðru leyti er ég búin að vera alveg farlama af harðsperrum undanfarna tvo daga. Hef ekki getað gengið upp og niður tröppur án þess að að finna gríðarlega til... meira að segja átt erfitt með að setjast á klósettið!!!!!!
3 ummæli
Lesa meira