Nýr bíll = æðislegt
Það er svooo ljúft að vera komin á bíl. Ég er að kynnast götum borgarinnar upp á nýtt ;) Ég villtist í fyrsta skipti í gær.... var á leið til Eddu vinkonu og keyrði beint í gegnum gatnamót þar sem ég átti víst að taka hægri beygju. Komst þó heim til hennar heil á húfi á ekki svo löngum tíma hehe.
Fyrsta IKEA ferðin var tekin á nýja bílnum um helgina. Keyptum kommóðu og skiptiborð. Ég sat svo sveitt yfir IKEA leiðbeiningum í gær.... svo stolt af sjálfum mér að hafa komið þessum hlutum saman.

Fannar fer á skauta með leikskólanum sínum í dag. Hann var ekkert smá spenntur.... á reyndar allt of stóra skauta en við redduðum því með extra þykkum sokkum. Hann er alltaf jafn kátur á leikskólanum en aftur á móti er hegðun hans heima fyrir aðeins að breytast. Hann hangir í okkur öllum stundum og á mjög erfitt með að gleyma sér í einhverjum leik eins og hann var svo vanur. Við höldum að það sé vegna komu nýja barnsins enda erum við farin að undirbúa ýmislegt og hann finnur pottþétt fyrir því.