Fara í aðalinnihald

göngutúrar og gestagangur

Mjög fín helgi er á enda. Á laugardaginn fórum við í göngutúr um Reimersholme sem er ein af litlu eyjunum í Stokkhólmi. Í gær fórum við í göngutúr um hverfið okkar. Við erum aðeins byrjuð að skoða hús sem eru til sölu í hverfinu enda bara eitt ár í flutning. Við erum frekar spennt yfir að fá hús í þessu hverfi enda kunnum við mjög vel við okkur hér. Svo verður Fannar líka byrjaður í skóla og væri best fyrir hann að þurfa ekki að skipta um skóla.

Við hittum Åke (hann er leikskólakennari á deildinni hans Fannars) eftir göngutúrinn í gær og buðum honum auðvitað í kaffi. Hann þáði það og sat hjá okkur og drakk tvo kaffibolla - voða gaman. Svo kíkti Katrín við rétt eftir að Åke var farinn. Hún kom með börnin sín tvö, Símon og Philippu. Sem sagt óvenju mikill gestagangur hjá okkur þessa helgina :)

Næsta heimsókn frá Íslandi verða Guðlaug systir og mamma.... jibííí. Þær ætla að koma 26. maí. Ég ætla að draga Guðlaugu og Eddu vinkonu með mér á Kent tónleika sem eru 27. maí....... hver veit nema að Helgi fylgi bara með okkur stelpunum og mamma passi strákana (er að reyna að fá hann með en hann er með eitthvað samviskubit yfir að fara á tvenna tónleika í júní).

Ummæli

Skrifa ummæli

Vinsælar færslur af þessu bloggi

Jólaskapið komið Hér er búið að snjóa í alla nótt og snjóar enn..... þar að auki alveg blankalogn þannig að það getur eiginlega ekki orðið jólalegra. Fannar er nú þegar búinn að henda tveimur snjóboltum í mig og var planið hans í dag að búa til fleiri. Það verður örugglega rosa stuð hjá honum í leikskólanum í dag :) Þetta barn stækkar svo mikið að hann er löngu vaxinn upp úr snjóbuxunum sínum síðan í fyrra vetur.... þær ná honum næstum upp á miðja kálfa! Það er sem sagt kominn tími til að við foreldrarnir kaupum handa honum nýjar kuldabuxur svo hann sé nú almennilega klæddur drengurinn.... ekki seinna vænna nú þegar snjórinn er kominn. Helgi var á næturvakt í nótt. Fannar tilkynnti við kvöldmatarborðið í gær að það væri bara gott að pabbi sinn væri að fara að vinna. Hann veit nefnilega að hann fær að kúra hjá mömmu sinni þegar pabbi hans er á vakt (þó hann hafi ekki nefnt það í framhaldinu :o)
7 ummæli
Lesa meira
Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....
8 ummæli
Lesa meira
Ég fór og heimsótti Huddinge sjukhus í gær. Fékk að fylgja eftir íslenskum sjúkraþjálfara sem vinnur þar. Hún gaf mér upp góðar upplýsingar um hvernig ég þarf að bera mig að til að fá löggildingu hér í Svíþjóð og svo erum við Edda búnar að vesenast smá í þeim málum nú í dag. Frábær tilfinning að þessir hlutir séu komnir í gang. Af því að ég er nú að tala um sjúkraþjálfun þá vil ég óska sjúkraþjálfaranum og vinkonu minni - henni Rósu - innilega til hamingju með daginn .... ég veit að hún er tryggur lesandi þessarar síðu. Nú er akkúrat vika þangað til mamma, pabbi, Guðlaug og Svenni koma í heimsókn.... mikil tilhlökkun í gangi hér á þessu heimili Að öðru leyti er ég búin að vera alveg farlama af harðsperrum undanfarna tvo daga. Hef ekki getað gengið upp og niður tröppur án þess að að finna gríðarlega til... meira að segja átt erfitt með að setjast á klósettið!!!!!!
3 ummæli
Lesa meira