Fara í aðalinnihald

sumardagar

Sólin er byrjuð að steikja okkur hér í Stokkhólmi. Búið að vera yfir 20 stiga hiti undanfarna tvo daga og er annar eins dagur framundan. Alveg æðislegt auðvitað

Ég sit núna og hlusta á rás 2 í tölvunni, Viktor sefur úti í hitanum og Fannar kominn á leikskólann. Fannar fékk að fara aðeins fyrr á leikskólann í dag. Hann mætti nefnilega beint í eldhúsið til að aðstoða við að hita upp grjónagrautinn sem er í morgunmat Það er vel þekkt á leikskólanum að grjóni er það besta sem Fannar fær. Í kvöld verður svo "avslutningsfest" (lokapartý) á deildinni hans Fannars..... hann er nú ekki alveg kominn í frí, en starfsmennirnir eru nú að fara í frí hver af öðrum. Við mætum því í grill á leikskólann seinnipartinn - í sumarblíðunni

Viktor verður skírður á laugardaginn næsta. Þetta hefur allt gengið hratt fyrir sig. Ég talaði við prestinn í fyrradag og í gær var það ákveðið. Skírnin verður í íslenskri messu í finnsku kyrkjunni í Gamla Stan. Það verður ekki messa aftur fyrr en í október og þar sem presturinn, sr. Ágúst Einarsson, býr í Gautaborg er ansi langt fyrir hann að koma og skíra fyrir okkur seinna.... alla vega óþarfi finnst mér.

Ummæli

Nafnlaus sagði…
Fannar er bara flottur á hjólinu!!!
Gangi ykkur vel með skírnina.
Hér er líka mikil sól og blíða, maður er næstum farin að vonast eftir rigningu, þarf að klára að mála.
KV Munda
16 júní, 2005 18:15
Skrifa ummæli

Vinsælar færslur af þessu bloggi

Arnar er í heimsókn hjá okkur núna
7 ummæli
Lesa meira
Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....
8 ummæli
Lesa meira
Eins og þið flest líklega vitið er litla prinsessan fædd.... lítil snúlla sem hefur fengið nafnið Sandra Ósk. Hún ákvað að drífa sig í heiminn aðfaranótt 3. október. Hún var að flýta sér svo mikið að ljósmóðirin sem tók á móti henni náði ekki einu sinni að skrá mig inn á fæðingardeildina áður en hún fæddist. Þessar ljósmæður verða alltaf jafn hissa hversu fljót þessi börn mín eru að koma í heiminn..... Fannar er rosalega stoltur af systur sinni. Nefnir nokkrum sinnum á dag hversu lítil og sæt honum finnst hún. Viktor aftur á móti hefur verið í smá baráttu um athygli en virðist þó vera farinn að sætta sig við hlutina núna. Hann er samt voða góður við hana og vill endalaust knúsa og kyssa hana. Allt gengur vel að öðru leyti. Sandra drekkur vel og sefur mikið.... alveg eins og það á að vera þegar maður er svona pínulítill. Hún er rosalega vær og góð.... algjör snúlla :) Fyrsta baðið - 6 daga gömul
7 ummæli
Lesa meira