erfið ferð

Við fórum á Gröna Lund í gær. Ofsalega skemmtilegt. Gröna Lund er sem sagt tívolí... nokkuð stórt meira að segja.... í Stokkhólmi. Fannar Már var í essinu sínu... hljóp milli tækjanna og sagðist vilja fara í þau öll. Hann er orðinn 125 cm. drengurinn þannig að hann mátti fara í ansi mörg tæki. Þó ekki þau hrikalegustu þar sem maður þarf að vera a.m.k. 140 cm. Hann fékk að fara einn í mörg tæki en annars tók Helgi það að sér að fara með honum í nokkur. Ég er enn nokkuð sátt við tívolí ferðina sem við fórum í á Spáni síðasta sumar og fann ekki mikla löngun til að fara í tækin hehe ;) ég sá því um Viktor Snæ á meðan. Heimferðin var aftur á móti ekki eins skemmtileg!! Okkur datt í hug að taka smá aukakrók á heimleiðinni..... big mistake klukkan hálf fjögur á vinnudegi!! Við vorum einn og hálfan tíma á leiðinni, föst í klikkaðri umferð og Viktor Snær öskrandi í aftursætinu stóran hluta leiðarinnar. Við meira að segja stoppuðum einu sinni til að skipta á honum og ég gaf honum að drekka til að róa hann aðeins.... það virkaði í smá stund en svo bara byrjaði hann að garga aftur.... orðinn hundleiður á þessu flakki. Slæmur endir á góðum degi og vorum við auðvitað algjörlega búin á því þegar við loksins komum heim!