Fara í aðalinnihald
Það er sko fullt búið að gerast hjá okkur síðan síðast. Nonni er búinn að koma í heimsókn og Guðlaug og Svenni líka. Nonni stoppaði nú reyndar bara yfir einn dag en það var samt frábært að fá hann í heimsókn. Hann tók massa af myndum af drengjunum, borðaði kvöldmat með okkur og fór svo með kvöldvél til Íslands. Guðlaug og Svenni voru hjá okkur frá föstudagskvöldi og fram á miðvikudagsmorgun. Alveg frábært. Fórum nokkrar ferðir í bæinn, fórum líka í Farsta Centrum og svo fylgdust þau með Fannari á fótboltaæfingu. Guðlaug er nú búin að skrifa nákvæmari ferðalýsingu á blogginu sínu - kíkið bara þangað.

Fannar byrjaði í sundskóla á fimmtudaginn síðasta. Hann var ekkert stressaður að fara... hlakkaði bara til og var voða spenntur. Hann hefur aldrei verið vitund vatnshræddur og fannst okkur nú tími til kominn að hann læri að synda. Núna telur hann niður dagana bæði fyrir fótboltaæfingar og sundskólann - gaman að þessu :)

Nú erum við loksins búin að fá að vita að Helgi fær frí yfri jól og áramót. Við stefnum því öll á að koma heim til Íslands :) Við erum ekki enn búin að kaupa miða en þetta gerist vonandi fljótlega - ekki seinna vænna. Ég er voða spennt að koma heim enda heilt ár síðan síðast.

Best að enda þetta á þessum góðu fréttum ;)
Góða helgi.

Ummæli

Nafnlaus sagði…
hlakka til að sjá ykkur um jólin og sérstaklega Fannar og Viktor :)

Gutti og Magga :)
22 október, 2005 17:35
Nafnlaus sagði…
Hlökkum til að hitta ykkur um jólin, gerum eitthvað sniðugt.
kv Munda og co
22 október, 2005 18:47
Skrifa ummæli

Vinsælar færslur af þessu bloggi

Jólaskapið komið Hér er búið að snjóa í alla nótt og snjóar enn..... þar að auki alveg blankalogn þannig að það getur eiginlega ekki orðið jólalegra. Fannar er nú þegar búinn að henda tveimur snjóboltum í mig og var planið hans í dag að búa til fleiri. Það verður örugglega rosa stuð hjá honum í leikskólanum í dag :) Þetta barn stækkar svo mikið að hann er löngu vaxinn upp úr snjóbuxunum sínum síðan í fyrra vetur.... þær ná honum næstum upp á miðja kálfa! Það er sem sagt kominn tími til að við foreldrarnir kaupum handa honum nýjar kuldabuxur svo hann sé nú almennilega klæddur drengurinn.... ekki seinna vænna nú þegar snjórinn er kominn. Helgi var á næturvakt í nótt. Fannar tilkynnti við kvöldmatarborðið í gær að það væri bara gott að pabbi sinn væri að fara að vinna. Hann veit nefnilega að hann fær að kúra hjá mömmu sinni þegar pabbi hans er á vakt (þó hann hafi ekki nefnt það í framhaldinu :o)
7 ummæli
Lesa meira
Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....
8 ummæli
Lesa meira
Ég fór og heimsótti Huddinge sjukhus í gær. Fékk að fylgja eftir íslenskum sjúkraþjálfara sem vinnur þar. Hún gaf mér upp góðar upplýsingar um hvernig ég þarf að bera mig að til að fá löggildingu hér í Svíþjóð og svo erum við Edda búnar að vesenast smá í þeim málum nú í dag. Frábær tilfinning að þessir hlutir séu komnir í gang. Af því að ég er nú að tala um sjúkraþjálfun þá vil ég óska sjúkraþjálfaranum og vinkonu minni - henni Rósu - innilega til hamingju með daginn .... ég veit að hún er tryggur lesandi þessarar síðu. Nú er akkúrat vika þangað til mamma, pabbi, Guðlaug og Svenni koma í heimsókn.... mikil tilhlökkun í gangi hér á þessu heimili Að öðru leyti er ég búin að vera alveg farlama af harðsperrum undanfarna tvo daga. Hef ekki getað gengið upp og niður tröppur án þess að að finna gríðarlega til... meira að segja átt erfitt með að setjast á klósettið!!!!!!
3 ummæli
Lesa meira