Fara í aðalinnihald

novemberlov, sigur rós og "backstage" passi

Fannar er búinn að vera heima alla þessa viku í haustfríi. Við erum búin að hafa það voða notalegt. Við erum búin að kubba helling, baka brauð, fara í "kringluna" að versla kuldaskó og regngalla á Fannar, fara helling út að labba með Viktor og auðvitað líka leika helling við Viktor :) Fannar er svo rosalega góður við litla bróðir sinn og duglegur að passa hann ef ég þarf eldsnöggt að bregða mér frá. Núna segist hann ekki vilja fara í skólann á mánudaginn - vill fá að vera heima eina viku enn!!

Hápunktur vikunnar var þó tónleikar með Sigur Rós. Alveg æðislegir tónleikar. Helgi varð því miður að vera heima en ég fékk Guðrúnu til að fara með mér. Við hittum líka Eddu, Sjöfn, Lottu og dóttir hennar, Sigurð Yngva og Didda. Svo vildi svo skemmtilega til að Diddi er góður vinur Jónsa í Sigur Rós og var hann með "backstage" passa. Ég, Guðrún og Sigurður Yngvi fengum því að fljóta með og hitta hljómsveitina eftir tónleikana. Ekki slæmur endir á tónleikunum hehe ;)
Á mánudaginn fer ég með Eddu á tónleika með Coldplay.... ætli við fáum backstage passa þá??

Nokkrir hlutir eru planaðir um helgina. Fannar er boðinn í tvö afmæli á sunnudaginn.... og við fáum að fylgja með í annað þeirra :) Á morgun ætlum við aftur á móti að elda lambalæri sem við erum búin að spara lengi í frystinum :) Nammi namm, ég hlakka mikið til.

Góða helgi.

Ummæli

Skrifa ummæli

Vinsælar færslur af þessu bloggi

Jólaskapið komið Hér er búið að snjóa í alla nótt og snjóar enn..... þar að auki alveg blankalogn þannig að það getur eiginlega ekki orðið jólalegra. Fannar er nú þegar búinn að henda tveimur snjóboltum í mig og var planið hans í dag að búa til fleiri. Það verður örugglega rosa stuð hjá honum í leikskólanum í dag :) Þetta barn stækkar svo mikið að hann er löngu vaxinn upp úr snjóbuxunum sínum síðan í fyrra vetur.... þær ná honum næstum upp á miðja kálfa! Það er sem sagt kominn tími til að við foreldrarnir kaupum handa honum nýjar kuldabuxur svo hann sé nú almennilega klæddur drengurinn.... ekki seinna vænna nú þegar snjórinn er kominn. Helgi var á næturvakt í nótt. Fannar tilkynnti við kvöldmatarborðið í gær að það væri bara gott að pabbi sinn væri að fara að vinna. Hann veit nefnilega að hann fær að kúra hjá mömmu sinni þegar pabbi hans er á vakt (þó hann hafi ekki nefnt það í framhaldinu :o)
7 ummæli
Lesa meira
Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....
8 ummæli
Lesa meira
Ég fór og heimsótti Huddinge sjukhus í gær. Fékk að fylgja eftir íslenskum sjúkraþjálfara sem vinnur þar. Hún gaf mér upp góðar upplýsingar um hvernig ég þarf að bera mig að til að fá löggildingu hér í Svíþjóð og svo erum við Edda búnar að vesenast smá í þeim málum nú í dag. Frábær tilfinning að þessir hlutir séu komnir í gang. Af því að ég er nú að tala um sjúkraþjálfun þá vil ég óska sjúkraþjálfaranum og vinkonu minni - henni Rósu - innilega til hamingju með daginn .... ég veit að hún er tryggur lesandi þessarar síðu. Nú er akkúrat vika þangað til mamma, pabbi, Guðlaug og Svenni koma í heimsókn.... mikil tilhlökkun í gangi hér á þessu heimili Að öðru leyti er ég búin að vera alveg farlama af harðsperrum undanfarna tvo daga. Hef ekki getað gengið upp og niður tröppur án þess að að finna gríðarlega til... meira að segja átt erfitt með að setjast á klósettið!!!!!!
3 ummæli
Lesa meira