glætan spætan

Dagurinn byrjaði ansi snemma hjá okkur í dag. Rétt fyrir hálf sjö í morgun vöknuðum við við furðulegan hávaða. Okkur leið eins og við værum stödd í miðjum þætti af Lost. Drunur sem hljómuðu um allt húsið.... eins og verið væri að berja steini í málmplötu. Mér fannst eins og hljóðið kæmu úr arninum en það heyrðist líka ansi vel á jarðhæðinni. Eftir að Helgi var búinn að ganga um allt húsið án þess að finna neitt, fór hann út og fann þar upptökin. Það var spæta að gogga í loftnetið hjá okkur...... hahaha. Við erum með olíupönnu á jarðhæðinni og gengur strompurinn upp gegnum húsið og er loftnetið einmitt þar við..... útskýrir því lætin í öllu húsinu :) Helgi náði að fæla spætuna í burtu með því að sprauta vatni á hana. Hún kom svo aftur tvisvar sinnum og fékk alltaf væna vatnsgusu á sig í kjölfarið.... held hún sé búin að gefast upp núna :)

Guðlaug og Svenni voru hjá okkur alla páskana.... alveg æðislega gaman. Við elduðum íslenskt lambalæri á páskadag og svo vorum við líka búin að útvega okkur páskaegg frá Nóa Síríus. Nammi namm. Fannar var fyrst að klára sitt egg áðan! .... Helgi skilur ekkert í drengnum og hótaði að henda því ef hann færi ekki að klára það ;)

Hér er annars sól og blíða. Spáir 10-15 stiga hita yfir helgina. Það er æðislegt að vorið sé loksins komið og allur gróður að springa út í hvelli. Sérfræðingar segja að út að því hvað vorið kemur seint mun allur gróður springa út á sama tíma og verður því sérstaklega mikið af frjókornum í loftinu.... ekki gott fyrir ofnæmissjúklinga eins og mig :(

Dagskráin yfir helgina er afmæli hjá Svante (Fannari bara boðið :), stelpupartý í kvöld og vorhreinsun í götunni á morgun og auðvitað að njóta veðursins á pallinum hehe. Góða helgi.