rauðhetta

Sandra Ósk er orðin 5 vikna. Þrátt fyrir að vera lítil er hún búin að næla sér í fyrsta kvefið. Helgi og Viktor eru líka með sömu einkenni. Sandra veiktist í gær en Viktor er búinn að vera með hor í nös í þó nokkurn tíma. Þetta truflar hann ekki eins mikið og systur sína. Hún þreytist fljótt þegar hún er að drekka og drekkur því oftar yfir daginn. Í gær svaf hún bókstaflega allan daginn. Við vonum bara að hún hafi ekki nælt sér í RS.

Ég er búin með innsláttarvinnuna í bili. Fæ líklega meira að gera í byrjun desember. Þetta hentar mér vel. Fæ smá pening í vasann og ræð mér algjörlega sjálf.

Verð víst að þjóta. Sandra er vöknuð og vill fá sopann sinn.

Ummæli

Nafnlaus sagði…

Hún er algjör krússidúlla. Vona að hún verði ekki mikið slöpp.
kv Munda

08 nóvember, 2006 15:11

Guðlaug sagði…

Æi, er hún lasin litla snúllan... vona að henni batni fljótt!

Sakna ykkar svooooo mikið... langar helst að skreppa aðeins og knúsa ykkur - en ok, kem eftir rúman mánuð ;o)

08 nóvember, 2006 16:38

Gróa sagði…

Æi hvað það er sárt að vera svona langt í burtu og fá ekki að sjá og knúsa litlu frænku mína - eða segðu frænda, en hann hef ég bara séð líka á myndum :( :(
Vona að öllum gangi vel að losna við kvefið :) :)

Ha? Snjóar svooooona snemma hjá ykkur?????

Kær kveðja,
Gróa.

13 nóvember, 2006 09:46

Vinsælar færslur af þessu bloggi

Arnar er í heimsókn hjá okkur núna

Lesa meira

Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....

Lesa meira

Eins og þið flest líklega vitið er litla prinsessan fædd.... lítil snúlla sem hefur fengið nafnið Sandra Ósk. Hún ákvað að drífa sig í heiminn aðfaranótt 3. október. Hún var að flýta sér svo mikið að ljósmóðirin sem tók á móti henni náði ekki einu sinni að skrá mig inn á fæðingardeildina áður en hún fæddist. Þessar ljósmæður verða alltaf jafn hissa hversu fljót þessi börn mín eru að koma í heiminn..... Fannar er rosalega stoltur af systur sinni. Nefnir nokkrum sinnum á dag hversu lítil og sæt honum finnst hún. Viktor aftur á móti hefur verið í smá baráttu um athygli en virðist þó vera farinn að sætta sig við hlutina núna. Hann er samt voða góður við hana og vill endalaust knúsa og kyssa hana. Allt gengur vel að öðru leyti. Sandra drekkur vel og sefur mikið.... alveg eins og það á að vera þegar maður er svona pínulítill. Hún er rosalega vær og góð.... algjör snúlla :) Fyrsta baðið - 6 daga gömul

Lesa meira