Fara í aðalinnihald

Gleðilegt nýtt ár

Jiii hvað maður er eitthvað lélegur við þetta!! GLEÐILEGA HÁTÍÐ OG GOTT NÝTT ÁR :) Við erum búin að hafa það rosa gott. Æðislegt að fá mömmu, pabba, Guðlaugu og Svenna í heimsókn.... og auðvitað mjööög tómlegt þegar þau fóru öll 30. des. Áramótin eyddum við með vinum okkar hér í Stokkhólmi. Mjög flott partý í Älvsjö. Tveir risa kalkúnar, forréttur og eftirréttur.... allt saman hrikalega flott og gott, mikill glamúr yfir öllu saman. Við gáfumst þó snemma upp og drifum okkur heim með krakkaskarann strax eftir miðnætti. Viktor og Sandra voru þá enn vakandi.... komum heim, háttuðum Viktor og Söndru og lögðumst í sófann og horfðum á hringadrottinssögu með Fannari. Honum fannst það æði og var mjög stoltur yfir því hversu lengi hann fékk að vaka ;) (og svo er nú gott að fá smá "quality time" með mömmu og pabba).

Nú er rútínan að byrja aftur. Viktor fór á leikskólann í dag og Fannar fær að fara á fritid á morgun (skólinn byrjar ekki fyrr enn 8. jan. hjá honum). Við eigum enn hangikjöt í frystinum og ætlum við að borða það á þrettándanum með ora baunum og íslensku jólaöli (jólin ekki alveg búin :)

Áramótakveðja til ykkar allra,
Sara og fylgifiskarnir.

Ummæli

Nafnlaus sagði…
Hæ Sara mín. Og gleðilegt nýtt ár.
Hér er allt gott - eins og venjulega he he.
Krakkarnir byrjuðu í skólanum í morgun og ég fer að kenna í fyrramálið (kenni ekki á fimmtudögum !!)

Vertu dugleg að skrifa og setja inn myndir .) það er svo gaman fyrir okkur að sjá ykkur :)

Kær kveðja,
Gróa.
04 janúar, 2007 17:48
Nafnlaus sagði…
Hæ skvís og Gleðilegt ár.

Kveðja

Badda og co
05 janúar, 2007 11:36
Nafnlaus sagði…
Já og skilaðu kveðju til fjölskyldunnar þinnar :o)

Kveðja
Badda
05 janúar, 2007 11:37
Nafnlaus sagði…
Gleðilegt ár elsku frænka og STÓR fjölskylda :D

Vonandi fáum við að sjá ykkur öll á nýja árinu.

Bestu kveðjur
María Júlía og já hmmmm STÓR fjölskyldan......
06 janúar, 2007 22:05
Nafnlaus sagði…
Hæ elsku Sara mín og gleðilegt nýtt ár og takk fyrir það gamla. Var einmitt að líta yfir myndir af hittingnum okkar fyrir ári síðan, sakna þess að sjá ykkur, get ekki beðið eftir að knúsa prinsessuna. Vonandi hafið þið það gott elskurnar, héðan er allt gott. Börnin voru ekki alveg að höndla jólin en þau náðu sér á jörðina milli jóla og nýárs. Maður er að reyna að rífa sig upp úr sukkinu...:O) Bið að heilsa
luv Hildur Kristín
07 janúar, 2007 01:15
Sara sagði…
Takk kærlega fyrir allar kveðjurnar stúlkur.... gaman að fá nokkur komment svona af og til... smá staðfesting á að það er einhver sem kíkir öðru hvoru :)

Knús knús,
Sara
09 janúar, 2007 14:56
Skrifa ummæli

Vinsælar færslur af þessu bloggi

Jólaskapið komið Hér er búið að snjóa í alla nótt og snjóar enn..... þar að auki alveg blankalogn þannig að það getur eiginlega ekki orðið jólalegra. Fannar er nú þegar búinn að henda tveimur snjóboltum í mig og var planið hans í dag að búa til fleiri. Það verður örugglega rosa stuð hjá honum í leikskólanum í dag :) Þetta barn stækkar svo mikið að hann er löngu vaxinn upp úr snjóbuxunum sínum síðan í fyrra vetur.... þær ná honum næstum upp á miðja kálfa! Það er sem sagt kominn tími til að við foreldrarnir kaupum handa honum nýjar kuldabuxur svo hann sé nú almennilega klæddur drengurinn.... ekki seinna vænna nú þegar snjórinn er kominn. Helgi var á næturvakt í nótt. Fannar tilkynnti við kvöldmatarborðið í gær að það væri bara gott að pabbi sinn væri að fara að vinna. Hann veit nefnilega að hann fær að kúra hjá mömmu sinni þegar pabbi hans er á vakt (þó hann hafi ekki nefnt það í framhaldinu :o)
7 ummæli
Lesa meira
Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....
8 ummæli
Lesa meira
Ég fór og heimsótti Huddinge sjukhus í gær. Fékk að fylgja eftir íslenskum sjúkraþjálfara sem vinnur þar. Hún gaf mér upp góðar upplýsingar um hvernig ég þarf að bera mig að til að fá löggildingu hér í Svíþjóð og svo erum við Edda búnar að vesenast smá í þeim málum nú í dag. Frábær tilfinning að þessir hlutir séu komnir í gang. Af því að ég er nú að tala um sjúkraþjálfun þá vil ég óska sjúkraþjálfaranum og vinkonu minni - henni Rósu - innilega til hamingju með daginn .... ég veit að hún er tryggur lesandi þessarar síðu. Nú er akkúrat vika þangað til mamma, pabbi, Guðlaug og Svenni koma í heimsókn.... mikil tilhlökkun í gangi hér á þessu heimili Að öðru leyti er ég búin að vera alveg farlama af harðsperrum undanfarna tvo daga. Hef ekki getað gengið upp og niður tröppur án þess að að finna gríðarlega til... meira að segja átt erfitt með að setjast á klósettið!!!!!!
3 ummæli
Lesa meira