Fara í aðalinnihald

Kolmården

Fórum í dýragarð um síðustu helgi. Þ.e.a.s. ég, Sandra og Viktor. Helgi var upptekinn og Fannar vildi ekki koma með.... orðinn svo mikill unglingur!


Leikskólinn bauð öllum fjölskyldum og starfsfólki í garðinn í tvo daga með gistingu í eina nótt á hóteli staðarins. Við vorum í samfloti með samstarfskonu minni, Ivana, og dætrum hennar: Jovana (5 ára) og Teadora (8 ára).

Við áttum alveg æðislega helgi á staðnum í góðum félagsskap. Fyrir utan öll dýrin sem við sáum fórum við á diskó... dönsuðum og drukkum drykki (áfenga og óáfenga :) Fórum í sund á hótelinu, fórum á höfrungasýningu og fengum góðan kvöldmat og morgunmat. Krakkarnir fóru þar að auki óteljandi ferðir í rússíbana svæðisins (var líklega hápunkturinn hjá þeim :), þau voru óstöðvandi!!

 Á leið að sjá tígrisdýrin

 Kaffipása. Tea, Jovana, Sandra og Viktor

 Viktor og Sandra skoða dýrin :)

 Hér erum við að sjá fíla-æfingu.

 Þessi fíll mun eignast kálf seint í sumar/haust. Söndru fannst það mjög spennandi :)



 Fyrir.....

 .... og eftir :)

 Diskó, tími fyrir drykk :)

 Vinkonurnar Embla og Sandra taka sér drykkjarpásu á diskóinu





Sáttur með nestið sitt







Íspása áður en haldið er heim á leið


Ummæli

Sirrý sagði…
Heilmikið fjör hjá ykkur,
gaman að sjá myndir :)
knús,
mútta
10 maí, 2013 21:31
Guðlaug sagði…
Vei! Gaman, gaman!! Knús á ykkur öll :)
13 maí, 2013 13:37
Nafnlaus sagði…
Mikið stuð hjá ykkur! :) Er maður einhvern tímann of gamall til að fara í dýragarð... ;)

Kv Magga
16 maí, 2013 22:25
Skrifa ummæli

Vinsælar færslur af þessu bloggi

Jólaskapið komið Hér er búið að snjóa í alla nótt og snjóar enn..... þar að auki alveg blankalogn þannig að það getur eiginlega ekki orðið jólalegra. Fannar er nú þegar búinn að henda tveimur snjóboltum í mig og var planið hans í dag að búa til fleiri. Það verður örugglega rosa stuð hjá honum í leikskólanum í dag :) Þetta barn stækkar svo mikið að hann er löngu vaxinn upp úr snjóbuxunum sínum síðan í fyrra vetur.... þær ná honum næstum upp á miðja kálfa! Það er sem sagt kominn tími til að við foreldrarnir kaupum handa honum nýjar kuldabuxur svo hann sé nú almennilega klæddur drengurinn.... ekki seinna vænna nú þegar snjórinn er kominn. Helgi var á næturvakt í nótt. Fannar tilkynnti við kvöldmatarborðið í gær að það væri bara gott að pabbi sinn væri að fara að vinna. Hann veit nefnilega að hann fær að kúra hjá mömmu sinni þegar pabbi hans er á vakt (þó hann hafi ekki nefnt það í framhaldinu :o)
7 ummæli
Lesa meira
Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....
8 ummæli
Lesa meira
Ég fór og heimsótti Huddinge sjukhus í gær. Fékk að fylgja eftir íslenskum sjúkraþjálfara sem vinnur þar. Hún gaf mér upp góðar upplýsingar um hvernig ég þarf að bera mig að til að fá löggildingu hér í Svíþjóð og svo erum við Edda búnar að vesenast smá í þeim málum nú í dag. Frábær tilfinning að þessir hlutir séu komnir í gang. Af því að ég er nú að tala um sjúkraþjálfun þá vil ég óska sjúkraþjálfaranum og vinkonu minni - henni Rósu - innilega til hamingju með daginn .... ég veit að hún er tryggur lesandi þessarar síðu. Nú er akkúrat vika þangað til mamma, pabbi, Guðlaug og Svenni koma í heimsókn.... mikil tilhlökkun í gangi hér á þessu heimili Að öðru leyti er ég búin að vera alveg farlama af harðsperrum undanfarna tvo daga. Hef ekki getað gengið upp og niður tröppur án þess að að finna gríðarlega til... meira að segja átt erfitt með að setjast á klósettið!!!!!!
3 ummæli
Lesa meira