Fara í aðalinnihald
Þá er Helgi aftur byrjaður að vinna. Hann vinnur þessa og næstu viku og er þá (sem betur fer) aftur kominn í frí. Fannar er enn á leikskólanum en þetta er síðasta vikan hans.... svo barasta skóli í ágúst. Honum finnst þetta nú ekkert merkilegt og segist hann ætla að heimsækja leikskólann þó hann verði hættur þar :) Viktor er farinn að snúa sér á fullu og liggur hann ekki lengi kyrr á einum stað. Hann vill fá að vera með í öllu og rífur og grípur í allt sem er nálægt honum (uppáhaldið er að rífa í hárið á mér).

Á sunnudaginn buðum við vinum okkar í kaffi úti í garði. Það var æðislegt veður og sátum við því úti allan daginn - alveg frábært. Reyndar hefur verið mjög gott veður undanfarið. 25 stiga hiti og heiðskýrt.... næstum of heitt!! Ég er samt ekki að kvarta ;)

Ég þarf að drífa mig að setja inn myndir í albúmið... læt ykkur vita þegar ég drattast til þess. Þar til næst - bless bless.

Ummæli

Guðlaug sagði…
Já, endilega farðu að skella inn myndum ;)
Ég ætla að reyna að vera búin á eðlilegum tíma í vinnunni í dag og þá skýst ég heim og logga mig inn á skype-ið, mig langar svo að heyra í ykkur. Verðum í bandi!
05 júlí, 2005 14:51
Nafnlaus sagði…
Njóttu veðurblíðunnar; Helgi þarf þá allavegana ekki að vera í kjallaranum öllum stundum til að hita húsið ;).
06 júlí, 2005 11:40
Sara sagði…
hehehe.... til sælla minninga!! Það verður komið að því áður en við vitum af :)
06 júlí, 2005 14:14
Guðlaug sagði…
Ok, ég er bara aldrei búin snemma í vinnunni... þetta gengur ekki! Ég mun hafa samband fljótlega með einhverjum leiðum - hlakka til að heyra í ykkur ;)
07 júlí, 2005 10:17
Skrifa ummæli

Vinsælar færslur af þessu bloggi

Jólaskapið komið Hér er búið að snjóa í alla nótt og snjóar enn..... þar að auki alveg blankalogn þannig að það getur eiginlega ekki orðið jólalegra. Fannar er nú þegar búinn að henda tveimur snjóboltum í mig og var planið hans í dag að búa til fleiri. Það verður örugglega rosa stuð hjá honum í leikskólanum í dag :) Þetta barn stækkar svo mikið að hann er löngu vaxinn upp úr snjóbuxunum sínum síðan í fyrra vetur.... þær ná honum næstum upp á miðja kálfa! Það er sem sagt kominn tími til að við foreldrarnir kaupum handa honum nýjar kuldabuxur svo hann sé nú almennilega klæddur drengurinn.... ekki seinna vænna nú þegar snjórinn er kominn. Helgi var á næturvakt í nótt. Fannar tilkynnti við kvöldmatarborðið í gær að það væri bara gott að pabbi sinn væri að fara að vinna. Hann veit nefnilega að hann fær að kúra hjá mömmu sinni þegar pabbi hans er á vakt (þó hann hafi ekki nefnt það í framhaldinu :o)
7 ummæli
Lesa meira
Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....
8 ummæli
Lesa meira
Ég fór og heimsótti Huddinge sjukhus í gær. Fékk að fylgja eftir íslenskum sjúkraþjálfara sem vinnur þar. Hún gaf mér upp góðar upplýsingar um hvernig ég þarf að bera mig að til að fá löggildingu hér í Svíþjóð og svo erum við Edda búnar að vesenast smá í þeim málum nú í dag. Frábær tilfinning að þessir hlutir séu komnir í gang. Af því að ég er nú að tala um sjúkraþjálfun þá vil ég óska sjúkraþjálfaranum og vinkonu minni - henni Rósu - innilega til hamingju með daginn .... ég veit að hún er tryggur lesandi þessarar síðu. Nú er akkúrat vika þangað til mamma, pabbi, Guðlaug og Svenni koma í heimsókn.... mikil tilhlökkun í gangi hér á þessu heimili Að öðru leyti er ég búin að vera alveg farlama af harðsperrum undanfarna tvo daga. Hef ekki getað gengið upp og niður tröppur án þess að að finna gríðarlega til... meira að segja átt erfitt með að setjast á klósettið!!!!!!
3 ummæli
Lesa meira