rauðhetta

Helgi er farinn að hressast. Hann varð skyndilega betri eftir að hafa tekið inn lyf við heilahimnubólgu. Við vitum nú samt ekki hvort það hafi verið tilviljun. Það kemur í ljós eftir frí en þá ætlar Helgi að taka próf við heilahimnubólgu.

Fannar hefur líka verið að kvarta undan höfuðverk en parasetamól hefur virkað vel á hann. Vonum bara að hann sé ekki að veikjast líka.

Viktor var í 5 mánaða skoðun í gær. Hann er orðinn 7650 gr. og 69,2 cm. Hann fékk líka sprautu og var hann því ansi pirraður í gærkvöldi. Nú er hann aftur á móti eins og hann á að sér að vera.... hress og kátur.

Á mánudaginn ætlum við á smá flakk. Við erum búin að bóka gistingu í Vimmerby og ætlum við að heimsækja Astrid Lindgrens Värld. Þar ætlum við að eyða tveimur dögum en okkur hefur verið sagt að það veiti ekki af. Kannski fórum við á eitthvað meira flakk eftir það en höfum ekki ákveðið neitt. Svo stefnum við á að halda upp á afmælið hans Fannars helgina á eftir.

Á morgun munum við bruna til Uppsala í 5 ára afmæli Sölva. Hlakka bara til að hitta vini okkar þar.

Þakka þeim sem lásu :)

Ummæli

Nafnlaus sagði…

Hæ hæ
Vonandi er Helgi búin að ná sér. Vorum að koma heim eftir 5 daga sumarbústaða/tjaldvagna veru. Hér er auðvitað rigning og ekki hlýtt. ;-)
KV Munda og co

01 ágúst, 2005 18:58

Arnar Thor sagði…

bið að heilsa karli sjúkum.
Stefni á Sverige í þar næstu viku.
Er eitthvað sem þið viljið að ég gleymi að koma með?

kveðja,

Arnar Thor

03 ágúst, 2005 01:37

Vinsælar færslur af þessu bloggi

Arnar er í heimsókn hjá okkur núna

Lesa meira

Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....

Lesa meira

Eins og þið flest líklega vitið er litla prinsessan fædd.... lítil snúlla sem hefur fengið nafnið Sandra Ósk. Hún ákvað að drífa sig í heiminn aðfaranótt 3. október. Hún var að flýta sér svo mikið að ljósmóðirin sem tók á móti henni náði ekki einu sinni að skrá mig inn á fæðingardeildina áður en hún fæddist. Þessar ljósmæður verða alltaf jafn hissa hversu fljót þessi börn mín eru að koma í heiminn..... Fannar er rosalega stoltur af systur sinni. Nefnir nokkrum sinnum á dag hversu lítil og sæt honum finnst hún. Viktor aftur á móti hefur verið í smá baráttu um athygli en virðist þó vera farinn að sætta sig við hlutina núna. Hann er samt voða góður við hana og vill endalaust knúsa og kyssa hana. Allt gengur vel að öðru leyti. Sandra drekkur vel og sefur mikið.... alveg eins og það á að vera þegar maður er svona pínulítill. Hún er rosalega vær og góð.... algjör snúlla :) Fyrsta baðið - 6 daga gömul

Lesa meira