Fara í aðalinnihald

klukk!

Já - klukk er nýjasta bloggæðið þessa dagana.... og hefur nú Arnar klukkað mig!! Það þýðir að ég þarf að koma með 5 gagnlausar staðreyndir um sjálfan mig. Eehhh ok best að byrja:
  1. Ég hef ekki farið á djammið í 1,5 ár.... vá hvað það er langt síðan!
  2. Ég er með æði fyrir ristuðu brauði með hnetusmjöri og rabbarbarasultu...... já ég veit – ekki alveg það hollasta en ógeðslega gott!!
  3. Úra- og skóbúðir eru í miklu uppáhaldi hjá mér - því miður eru þetta ekki vörur sem maður kaupir sér vikulega hehe.
  4. Ég var að fá mér gymstick og ætla nú að vera ógeðslega dugleg að æfa heima í stofu :)
  5. Ég er að fara á Coldplay í byrjun nóvember..... jibííííí.

Jæja þá er þetta búið! Til að klukka nú einhvern líka þá klukka ég systur mína og mág. Guðlaug og Svenni.... kannski þið hafið eitthvað ennþá gagnslausara að segja en ég :)

Ummæli

Guðlaug sagði…
Uss! Sara, eitt og hálf ár!!! Þú verður nú að fara að gera eitthvað í þessu ;)
02 október, 2005 16:43
Nafnlaus sagði…
Það eru ógeðslega margar skóbúðir í Liverpool. Ég labbaði í gegnum tvær verslunarmiðstöðvar og í annarri voru nokkrar skóbúðir en í hinni voru bara skóbúðir, á tveimur hæðum. Að sjálfsögðu gengu eistun tímabundið upp og ég splæsti í eitt par á 35 pund en þyrfti að reiða fram 10.000 kall hér heima. Bara ef þú ert þarna í nágrenninu Sara mín!
04 október, 2005 19:46
Sara sagði…
Vá hvað þetta hljómar vel.... ég er bara ansi hrædd um að ég gæti ekki valið mér BARA eitt par ;o)
08 október, 2005 08:33
Skrifa ummæli

Vinsælar færslur af þessu bloggi

Jólaskapið komið Hér er búið að snjóa í alla nótt og snjóar enn..... þar að auki alveg blankalogn þannig að það getur eiginlega ekki orðið jólalegra. Fannar er nú þegar búinn að henda tveimur snjóboltum í mig og var planið hans í dag að búa til fleiri. Það verður örugglega rosa stuð hjá honum í leikskólanum í dag :) Þetta barn stækkar svo mikið að hann er löngu vaxinn upp úr snjóbuxunum sínum síðan í fyrra vetur.... þær ná honum næstum upp á miðja kálfa! Það er sem sagt kominn tími til að við foreldrarnir kaupum handa honum nýjar kuldabuxur svo hann sé nú almennilega klæddur drengurinn.... ekki seinna vænna nú þegar snjórinn er kominn. Helgi var á næturvakt í nótt. Fannar tilkynnti við kvöldmatarborðið í gær að það væri bara gott að pabbi sinn væri að fara að vinna. Hann veit nefnilega að hann fær að kúra hjá mömmu sinni þegar pabbi hans er á vakt (þó hann hafi ekki nefnt það í framhaldinu :o)
7 ummæli
Lesa meira
Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....
8 ummæli
Lesa meira
Ég fór og heimsótti Huddinge sjukhus í gær. Fékk að fylgja eftir íslenskum sjúkraþjálfara sem vinnur þar. Hún gaf mér upp góðar upplýsingar um hvernig ég þarf að bera mig að til að fá löggildingu hér í Svíþjóð og svo erum við Edda búnar að vesenast smá í þeim málum nú í dag. Frábær tilfinning að þessir hlutir séu komnir í gang. Af því að ég er nú að tala um sjúkraþjálfun þá vil ég óska sjúkraþjálfaranum og vinkonu minni - henni Rósu - innilega til hamingju með daginn .... ég veit að hún er tryggur lesandi þessarar síðu. Nú er akkúrat vika þangað til mamma, pabbi, Guðlaug og Svenni koma í heimsókn.... mikil tilhlökkun í gangi hér á þessu heimili Að öðru leyti er ég búin að vera alveg farlama af harðsperrum undanfarna tvo daga. Hef ekki getað gengið upp og niður tröppur án þess að að finna gríðarlega til... meira að segja átt erfitt með að setjast á klósettið!!!!!!
3 ummæli
Lesa meira