Fara í aðalinnihald
Fannar fékk inniskó í skóinn í morgun.

Fannar: Mamma, þessir inniskór eru til í H&M. Þetta eru inniskórnir sem þú vildir ekki kaupa!

Ég: Já, ætli jólasveinninn hafi farið í H&M og keypt þá þar?

Fannar: Já, jólasveinninn er nefnilega bara maður sem klæðir sig í jólasveinaföt. Á Íslandi eru 13 menn sem klæða sig í jólasveinaföt en hér er bara einn.

Ummæli

Guðlaug sagði…
Hahahaha!!! :D
Algjør snilld!

Ein vika...
15 desember, 2005 10:45
Nafnlaus sagði…
Haha en fyndið. Ásdís lenti í sambærilegu í morgun því jólasveinninn hennar gaf henni sokkabuxur og þegar hún var að skoða þær segir hún "mamma, hann keypti þær í H&M". Greinilegt að jóli notfærir sér þá verslun, sniðugur karl :)
Kv.
g.
15 desember, 2005 16:11
Arnar Thor sagði…
Stundum klippir jólasveinninn sem þjónustar þetta svæði hérna, miðana í burtu og kannski eru umbúðir fjarlægðar.

Gaman að þessu...Sveinki færði mínum börnum stækkunargler í morgun. Magnaður kappi...eitthvað sem þau höfðu óskað sér. Hann heyrir stundum ótrúlega vel.

kveðja,

Arnar Thor
16 desember, 2005 10:00
Sara sagði…
Það vill nú svo til að jólasveinninn var búinn að hugsa út í merkimiða og umbúðir. Hann er ekki alvitlaus þessi sveinki :) Það er bara drengurinn sem er svo klár ;)
16 desember, 2005 11:51
Nafnlaus sagði…
Allar umbúðir voru farnar, þetta var miðinn með þvottaleiðbeiningunum hehe. Annars er hann eitthvað nískur á prumpuslímið... mikið beðið eftir því!
g
16 desember, 2005 12:12
Skrifa ummæli

Vinsælar færslur af þessu bloggi

Jólaskapið komið Hér er búið að snjóa í alla nótt og snjóar enn..... þar að auki alveg blankalogn þannig að það getur eiginlega ekki orðið jólalegra. Fannar er nú þegar búinn að henda tveimur snjóboltum í mig og var planið hans í dag að búa til fleiri. Það verður örugglega rosa stuð hjá honum í leikskólanum í dag :) Þetta barn stækkar svo mikið að hann er löngu vaxinn upp úr snjóbuxunum sínum síðan í fyrra vetur.... þær ná honum næstum upp á miðja kálfa! Það er sem sagt kominn tími til að við foreldrarnir kaupum handa honum nýjar kuldabuxur svo hann sé nú almennilega klæddur drengurinn.... ekki seinna vænna nú þegar snjórinn er kominn. Helgi var á næturvakt í nótt. Fannar tilkynnti við kvöldmatarborðið í gær að það væri bara gott að pabbi sinn væri að fara að vinna. Hann veit nefnilega að hann fær að kúra hjá mömmu sinni þegar pabbi hans er á vakt (þó hann hafi ekki nefnt það í framhaldinu :o)
7 ummæli
Lesa meira
Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....
8 ummæli
Lesa meira
Ég fór og heimsótti Huddinge sjukhus í gær. Fékk að fylgja eftir íslenskum sjúkraþjálfara sem vinnur þar. Hún gaf mér upp góðar upplýsingar um hvernig ég þarf að bera mig að til að fá löggildingu hér í Svíþjóð og svo erum við Edda búnar að vesenast smá í þeim málum nú í dag. Frábær tilfinning að þessir hlutir séu komnir í gang. Af því að ég er nú að tala um sjúkraþjálfun þá vil ég óska sjúkraþjálfaranum og vinkonu minni - henni Rósu - innilega til hamingju með daginn .... ég veit að hún er tryggur lesandi þessarar síðu. Nú er akkúrat vika þangað til mamma, pabbi, Guðlaug og Svenni koma í heimsókn.... mikil tilhlökkun í gangi hér á þessu heimili Að öðru leyti er ég búin að vera alveg farlama af harðsperrum undanfarna tvo daga. Hef ekki getað gengið upp og niður tröppur án þess að að finna gríðarlega til... meira að segja átt erfitt með að setjast á klósettið!!!!!!
3 ummæli
Lesa meira