Fara í aðalinnihald
Héðan er allt gott að frétta. Ég er aðeins byrjuð að setja niður í kassa. Verð bara að passa mig að setja ekki of mikið niður strax, þar sem við ætlum að halda upp á 1 árs afmæli Viktor hér áður en við flytjum. Er bara orðin svo svakalega spennt að komast í nýja húsið :)
Helgi er að machjóast niðri í bílskúr þessa stundina. Hann ákvað að skipta sjálfur um bremsur á bílnum. Hann stendur sig eins og hetja..... finnst mér alla vega ;)
Er að fara á þorrablót íslendingafélagsins annað kvöld. Góð stemning í hópnum og hlakka ég bara mikið til að fara. Helgi ætlar að vera heima hjá strákunum á meðan. Hann og Fannar ætla að "lördagsmysa" ...... og það felur í sér dvd mynd, nammi og snakk.
Annars er það að frétta af Viktori að hann er byrjaður að taka nokkur skref. Þetta er að gerast nokkuð hratt þessa dagana og er hann rígmontinn yfir þessu drengurinn. Fannar var svo að missa fjórðu tönnina í kvöld. Hann er því orðinn ansi tannlaus og lofa ég að setja inn mynd af honum mjög fljótlega.

Hejdå

Ummæli

Nafnlaus sagði…
Góða skemmtun á blótinu.
Gangi ykkur vel að pakka og flytja, þetta verður spennó. Vonandi fær maður að sjá myndir af húsinu fljótlega.
kv Munda
11 febrúar, 2006 18:17
Guðlaug sagði…
Hvernig var svo á þorrablótinu?
14 febrúar, 2006 12:50
Sara sagði…
Takk Munda, við munum setja inn myndir um leið og við höfum tækifæri til að taka þær :)

Og Guðlaug, það var bara mjög gaman á þorrablótinu. Ekki þurfti þó að kalla á sjúkrabíl(a)! Líklega ekki alveg eins mikið fjör og þarna í Köben ;) ... og kannski "aðeins" verri mæting. Ómar Ragnarson sló náttúrulega í gegn *noooot* en hljómsveitin var alla vega fín og það var dansað mikið :)
14 febrúar, 2006 16:19
Nafnlaus sagði…
Innilega til hamingju með litla snúð. Gangi ykkur vel með afmælið.
kv Munda og co
26 febrúar, 2006 01:08
Nafnlaus sagði…
Til hamingju með litla kút :)knús og kossar frá mér....

Kveðja Magga :D
26 febrúar, 2006 01:59
Skrifa ummæli

Vinsælar færslur af þessu bloggi

Jólaskapið komið Hér er búið að snjóa í alla nótt og snjóar enn..... þar að auki alveg blankalogn þannig að það getur eiginlega ekki orðið jólalegra. Fannar er nú þegar búinn að henda tveimur snjóboltum í mig og var planið hans í dag að búa til fleiri. Það verður örugglega rosa stuð hjá honum í leikskólanum í dag :) Þetta barn stækkar svo mikið að hann er löngu vaxinn upp úr snjóbuxunum sínum síðan í fyrra vetur.... þær ná honum næstum upp á miðja kálfa! Það er sem sagt kominn tími til að við foreldrarnir kaupum handa honum nýjar kuldabuxur svo hann sé nú almennilega klæddur drengurinn.... ekki seinna vænna nú þegar snjórinn er kominn. Helgi var á næturvakt í nótt. Fannar tilkynnti við kvöldmatarborðið í gær að það væri bara gott að pabbi sinn væri að fara að vinna. Hann veit nefnilega að hann fær að kúra hjá mömmu sinni þegar pabbi hans er á vakt (þó hann hafi ekki nefnt það í framhaldinu :o)
7 ummæli
Lesa meira
Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....
8 ummæli
Lesa meira
Ég fór og heimsótti Huddinge sjukhus í gær. Fékk að fylgja eftir íslenskum sjúkraþjálfara sem vinnur þar. Hún gaf mér upp góðar upplýsingar um hvernig ég þarf að bera mig að til að fá löggildingu hér í Svíþjóð og svo erum við Edda búnar að vesenast smá í þeim málum nú í dag. Frábær tilfinning að þessir hlutir séu komnir í gang. Af því að ég er nú að tala um sjúkraþjálfun þá vil ég óska sjúkraþjálfaranum og vinkonu minni - henni Rósu - innilega til hamingju með daginn .... ég veit að hún er tryggur lesandi þessarar síðu. Nú er akkúrat vika þangað til mamma, pabbi, Guðlaug og Svenni koma í heimsókn.... mikil tilhlökkun í gangi hér á þessu heimili Að öðru leyti er ég búin að vera alveg farlama af harðsperrum undanfarna tvo daga. Hef ekki getað gengið upp og niður tröppur án þess að að finna gríðarlega til... meira að segja átt erfitt með að setjast á klósettið!!!!!!
3 ummæli
Lesa meira