Fara í aðalinnihald

allir farnir

Þá erum við aftur orðin ein í kotinu. Gutti og Magga fóru í morgun og mamma og pabbi á mánudaginn. Það verður alltaf svo tómlegt hérna þegar gestir eru nýfarnir.

Mamma og pabbi einbeittu sér að litlu strákunum á meðan þau voru hér. Þau voru meira að segja svo heppin að sjá Fannar keppa í fótbolta. Auðvitað var líka horft á júróvisíon og fengum við íslenskt nammi með til að gera kvöldið enn skemmtilegra :) Eitt fannst mér áberandi við keppnina í ár.... það var púað svo mikið.... sérstaklega ef Grikkir fengu ekki "nógu" mörg stig! Svo var líka púað yfir Litháenska laginu (það var nú líka ömurlegt en samt....) og svo má nú ekki gleyma Silvíu Nótt. Ekki finnst mér þetta íþróttamannslegt!!! Any way...... Fannar náði ekki að halda sér vakandi yfir alla keppnina en hann varð virkilega kátur daginn eftir þegar hann fékk að vita hverjir sigurvegararnir voru.... enda mikill Lordi aðdáandi :)

Gutti og Magga voru að koma til Stokkhólms í fyrsta skipti og notuðu því tímann í að skoða miðbæinn aðeins, versla ódýrt og fara í tívolíið (Gröna Lund). Helgi var ekki í fríi þannig að hann vann á daginn og svo eyddum við kvöldunum saman. Gaman að hafa ykkur hjá okkur... takk æðislega fyrir samveruna :)

Ummæli

Guðlaug sagði…
Æðislegt hjá ykkur! Og það er nú stutt í næstu gesti. Svo fæ ég að sjá rúmlega 50% af ykkur í sumar ;););)

Love, litla sys
24 maí, 2006 17:44
Nafnlaus sagði…
Hvaða voða rólegheit eru þetta í blogginu......ekkert að ske? Sæl veriði annars héðan af Flókagötunni. Við erum á leið í sumarfrí til Búlgaríu á fimmtudaginn og sjáum kannski einhvert ykkar einhverntímann......hver veit????????? Bestustu kveðjur og margir kossar******* Gróa.
06 júní, 2006 00:48
Skrifa ummæli

Vinsælar færslur af þessu bloggi

Jólaskapið komið Hér er búið að snjóa í alla nótt og snjóar enn..... þar að auki alveg blankalogn þannig að það getur eiginlega ekki orðið jólalegra. Fannar er nú þegar búinn að henda tveimur snjóboltum í mig og var planið hans í dag að búa til fleiri. Það verður örugglega rosa stuð hjá honum í leikskólanum í dag :) Þetta barn stækkar svo mikið að hann er löngu vaxinn upp úr snjóbuxunum sínum síðan í fyrra vetur.... þær ná honum næstum upp á miðja kálfa! Það er sem sagt kominn tími til að við foreldrarnir kaupum handa honum nýjar kuldabuxur svo hann sé nú almennilega klæddur drengurinn.... ekki seinna vænna nú þegar snjórinn er kominn. Helgi var á næturvakt í nótt. Fannar tilkynnti við kvöldmatarborðið í gær að það væri bara gott að pabbi sinn væri að fara að vinna. Hann veit nefnilega að hann fær að kúra hjá mömmu sinni þegar pabbi hans er á vakt (þó hann hafi ekki nefnt það í framhaldinu :o)
7 ummæli
Lesa meira
Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....
8 ummæli
Lesa meira
Ég fór og heimsótti Huddinge sjukhus í gær. Fékk að fylgja eftir íslenskum sjúkraþjálfara sem vinnur þar. Hún gaf mér upp góðar upplýsingar um hvernig ég þarf að bera mig að til að fá löggildingu hér í Svíþjóð og svo erum við Edda búnar að vesenast smá í þeim málum nú í dag. Frábær tilfinning að þessir hlutir séu komnir í gang. Af því að ég er nú að tala um sjúkraþjálfun þá vil ég óska sjúkraþjálfaranum og vinkonu minni - henni Rósu - innilega til hamingju með daginn .... ég veit að hún er tryggur lesandi þessarar síðu. Nú er akkúrat vika þangað til mamma, pabbi, Guðlaug og Svenni koma í heimsókn.... mikil tilhlökkun í gangi hér á þessu heimili Að öðru leyti er ég búin að vera alveg farlama af harðsperrum undanfarna tvo daga. Hef ekki getað gengið upp og niður tröppur án þess að að finna gríðarlega til... meira að segja átt erfitt með að setjast á klósettið!!!!!!
3 ummæli
Lesa meira