Fara í aðalinnihald
Fannar er farinn til Íslands. Gestirnir fóru í gær og tóku hann með sér. Það er því voðalega tómlegt hjá okkur núna. Ég efast ekki um að það verður dekrað mikið við hann þar til ég kem og sæki hann í lok júní. Gestirnir, tengdó og amma og afi Helga, fengu alveg súperdaga hérna hjá okkur. Hitinn fór ekki undir 30 stig og heiðskýrt allan tímann. Þau fóru öll sólbrún... og kannski smá sólbrennd heim :) Þökkum við þeim fyrir alveg frábæra samveru. Helgi er í fríi út þessa viku þannig að við erum bara að dóla okkur saman dessa dagana. Ég ætla að nýta mér tækifærið og fara í klippingu... hef ekki farið síðan fyrir jól!! Best að ljúka þessu með nokkrum myndum.... góða nótt.


Útskrift í Örbyskola.
Þau útskrifuðust öll með gula rós og bók með helstu afrekum skólaársins.



Strákarnir að kæla sig í hitanum :)


Allir saman síðasta kvöldið. Grilluðum æðislega góðan kjúkling.... klikkar ekki :)


Ég og Viktor á góðri stundu.

Ummæli

Nafnlaus sagði…
Gaman að þið fenguð gott veður með gestunum.
Flottar myndir. Aldrei að vita nema Hreiðar hitti á Fannar hér í Kef.
kv Munda
16 júní, 2006 00:26
Guðlaug sagði…
Æðislegar myndir, elsku systir! Það er aldeilis að kúlan stækkar ;) Hlakka ofsalega til að sjá þig í lok mánaðarins, hitti Fannar líklega á morgun eða hinn...
16 júní, 2006 10:46
Nafnlaus sagði…
Vá ekkert smá sæt kúla :D

við gutti skelltum okkur í sund með Fannar í gær og hann skemmti sér alveg konunglega.... gutti þurfti að fara mjög margar ferðir í rennibrautina, hahaha :)

váá, viktor er bara alveg eins og egill á myndinni þar sem þeir eru að busla bræðurnir ;)

Kveðja Magga
16 júní, 2006 23:06
Sara sagði…
Já vá, Fannar er alveg óstöðvandi og þreytist seint í rennibrautunum. En hva... lögregluþjónninn hefur nú haft gott þrek í það... heheh ;)
17 júní, 2006 23:15
Nafnlaus sagði…
haha, lögregluþjóninn skemmti sér konunglega ;) viðurkenndi einnig að það var alveg jafn skemmtilegt að fara í rennibrautina núna og þegar hann var lítill gutti, hehe ;)

kveðja Magga
18 júní, 2006 00:17
Skrifa ummæli

Vinsælar færslur af þessu bloggi

Jólaskapið komið Hér er búið að snjóa í alla nótt og snjóar enn..... þar að auki alveg blankalogn þannig að það getur eiginlega ekki orðið jólalegra. Fannar er nú þegar búinn að henda tveimur snjóboltum í mig og var planið hans í dag að búa til fleiri. Það verður örugglega rosa stuð hjá honum í leikskólanum í dag :) Þetta barn stækkar svo mikið að hann er löngu vaxinn upp úr snjóbuxunum sínum síðan í fyrra vetur.... þær ná honum næstum upp á miðja kálfa! Það er sem sagt kominn tími til að við foreldrarnir kaupum handa honum nýjar kuldabuxur svo hann sé nú almennilega klæddur drengurinn.... ekki seinna vænna nú þegar snjórinn er kominn. Helgi var á næturvakt í nótt. Fannar tilkynnti við kvöldmatarborðið í gær að það væri bara gott að pabbi sinn væri að fara að vinna. Hann veit nefnilega að hann fær að kúra hjá mömmu sinni þegar pabbi hans er á vakt (þó hann hafi ekki nefnt það í framhaldinu :o)
7 ummæli
Lesa meira
Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....
8 ummæli
Lesa meira
Ég fór og heimsótti Huddinge sjukhus í gær. Fékk að fylgja eftir íslenskum sjúkraþjálfara sem vinnur þar. Hún gaf mér upp góðar upplýsingar um hvernig ég þarf að bera mig að til að fá löggildingu hér í Svíþjóð og svo erum við Edda búnar að vesenast smá í þeim málum nú í dag. Frábær tilfinning að þessir hlutir séu komnir í gang. Af því að ég er nú að tala um sjúkraþjálfun þá vil ég óska sjúkraþjálfaranum og vinkonu minni - henni Rósu - innilega til hamingju með daginn .... ég veit að hún er tryggur lesandi þessarar síðu. Nú er akkúrat vika þangað til mamma, pabbi, Guðlaug og Svenni koma í heimsókn.... mikil tilhlökkun í gangi hér á þessu heimili Að öðru leyti er ég búin að vera alveg farlama af harðsperrum undanfarna tvo daga. Hef ekki getað gengið upp og niður tröppur án þess að að finna gríðarlega til... meira að segja átt erfitt með að setjast á klósettið!!!!!!
3 ummæli
Lesa meira