Fara í aðalinnihald

Ísland á morgun

Hlakka mikið til að fara á morgun. Það er búið að fara vel um Fannar á Íslandi en maður er nú farinn að sakna hans doldið mikið. Nú þarf ég að draga fram flíspeysuna og síðbuxurnar ;) sem eru vel falin ofaní skúffu. Ég geri ráð fyrir að vera mest í bústaðnum hjá mömmu og pabba í Þrastarskógi. Fólk er velkomið að koma þangað og heimsækja mig :)

Við erum aðeins búin að skoða húsbíla til að leigja í sumar. Sumarfríið hans Helga skiptist í tvennt.... þrjár vikur núna og þrjár vikur í ágúst. Við erum ekki alveg búin að ákveða í hvoru fríinu við förum. Skiptir í raun ekki svo miklu máli en það eru þó fleiri bílar á lausu í ágúst.

Hér eru svo að lokum nokkrar myndir af sumrinu hjá okkur hér í Svíþjóð. Sjáumst á Íslandi.

Þessi bambi kíkti í heimsókn til okkar og fylgdumst við með honum út um eldhúsgluggann


Á Skansen á 17. júní. Viktor átti að fara að sofa en eins og sjá má var hann ekki á því sjálfur... og reynir að gægjast út um teppið :)


Viktor að máta sólgleraugun hans Fannars


Í hitanum á pallinum.... þá er nú gott að kæla sig doldið með köldu vatni :)

Ummæli

Guðlaug sagði…
Hlakka svoooo til að knúsa þig, elsku stóra sys! Góða ferð ;)
27 júní, 2006 21:49
Nafnlaus sagði…
Góða ferð Sara...krúttlegar myndir af bamba, þér og Viktori :). Hafðu það gott á Fróni. Vona að þú hafir munað eftir að taka regngalla með þér hehe.
g
28 júní, 2006 11:26
Sara sagði…
Takk takk Guðrún...

Ég neitaði nú að pakka regngallanum... ætla bara að vera inni ef... ég meina ÞEGAR það rignir ;)
28 júní, 2006 19:57
Skrifa ummæli

Vinsælar færslur af þessu bloggi

Jólaskapið komið Hér er búið að snjóa í alla nótt og snjóar enn..... þar að auki alveg blankalogn þannig að það getur eiginlega ekki orðið jólalegra. Fannar er nú þegar búinn að henda tveimur snjóboltum í mig og var planið hans í dag að búa til fleiri. Það verður örugglega rosa stuð hjá honum í leikskólanum í dag :) Þetta barn stækkar svo mikið að hann er löngu vaxinn upp úr snjóbuxunum sínum síðan í fyrra vetur.... þær ná honum næstum upp á miðja kálfa! Það er sem sagt kominn tími til að við foreldrarnir kaupum handa honum nýjar kuldabuxur svo hann sé nú almennilega klæddur drengurinn.... ekki seinna vænna nú þegar snjórinn er kominn. Helgi var á næturvakt í nótt. Fannar tilkynnti við kvöldmatarborðið í gær að það væri bara gott að pabbi sinn væri að fara að vinna. Hann veit nefnilega að hann fær að kúra hjá mömmu sinni þegar pabbi hans er á vakt (þó hann hafi ekki nefnt það í framhaldinu :o)
7 ummæli
Lesa meira
Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....
8 ummæli
Lesa meira
Ég fór og heimsótti Huddinge sjukhus í gær. Fékk að fylgja eftir íslenskum sjúkraþjálfara sem vinnur þar. Hún gaf mér upp góðar upplýsingar um hvernig ég þarf að bera mig að til að fá löggildingu hér í Svíþjóð og svo erum við Edda búnar að vesenast smá í þeim málum nú í dag. Frábær tilfinning að þessir hlutir séu komnir í gang. Af því að ég er nú að tala um sjúkraþjálfun þá vil ég óska sjúkraþjálfaranum og vinkonu minni - henni Rósu - innilega til hamingju með daginn .... ég veit að hún er tryggur lesandi þessarar síðu. Nú er akkúrat vika þangað til mamma, pabbi, Guðlaug og Svenni koma í heimsókn.... mikil tilhlökkun í gangi hér á þessu heimili Að öðru leyti er ég búin að vera alveg farlama af harðsperrum undanfarna tvo daga. Hef ekki getað gengið upp og niður tröppur án þess að að finna gríðarlega til... meira að segja átt erfitt með að setjast á klósettið!!!!!!
3 ummæli
Lesa meira