Fara í aðalinnihald

aðlögun og gestagangur

Viktor er byrjaður í aðlögun á nýja leikskólanum sínum, Klockspelet. Ég sit heima núna og veit ekkert hvað ég á að gera....... þá er náttúrulega alltaf gott að blogga ;) Þetta er annar dagurinn sem ég skil hann einan eftir..... skrýtin tilfinning. Hann var einn í hálftíma í gær en í dag á hann að fá að borða hádegismat með krökkunum. Hann mótmælir hástöfum þegar ég fer...... var voðalega lítill í sér þegar ég kom tilbaka í gær, ég vona að það gangi betur í dag.

Það er búið að vera gestagangur hjá okkur undanfarnar tvær vikurnar. Í síðustu viku var Guðrún vinkona mín úr háskólanum og yngri sonur hennar, Eiður Orri, hjá okkur. Þau stoppuðu í heila viku. Það var gjörsamlega frábært að fá hana í heimsókn.... vona að hún komi sem fyrst aftur. Ekta stelpufrí.... búðaráp, kaffihús, vídeókvöld.....
Til að fullkomna þetta allt saman komu líka 6 aðrar vinkonur mínar úr deildinni. Þær voru hérna yfir eina helgi og gistu á hóteli (enda ekki alveg svooo mikið pláss hjá okkur). Það var því mikið flakk á mér í síðustu viku. Einnig var haldinn ekta saumaklúbbur hérna á Restavägen. Vantaði bara eina úr deildinni en hún býr í Kanada svo hún er löglega afsökuð :)

Á mánudaginn síðasta kom svo Nonni keyrandi frá Danmörku á ofurbílnum sínum. Hann er búinn að vera hjá okkur alla vikuna. Ég er orðin svo góðu vön að hafa einhvern gest í húsinu að það á eftir að verða voða tómlegt þegar hann fer. Ég bind þó miklar vonir við að það komi einhver í heimsókn fljótlega eftir að litla kúlustelpan lítur dagsins ljós. Ég geri mér þó grein fyrir að enginn er að koma til að hitta mig, en ég mun þó njóta góðs af því hehe ;)

Guðrún og Eiður Orri

Við stelpurnar við eldhússtörfin :)

Á veitingastað í Kungsträdgården. Hildur, Ása, Dagbjört og Thelma

Rósa, Anna Hulda, Guðrún og Eiður Orri

Viktor töffari.... mynd sérstaklega ætluð Ernu ömmu :)

Fannar lubbi ;) Já ég veit, það er kannski kominn tími á klippingu hehe

Ummæli

Nafnlaus sagði…
Vá gaman að sjá svona flottar myndir.
Viktor verður sáttur á leikskólanum, tekur bara smá tíma, þeir eru svona þessir strákar!!!
Fannar er bara flottur töffari með allt þetta hár :-)
Og þú alltaf jafn flott með kúlu, ferð þér vel. Spuring um að gera þetta reglulega?? hehe.
kv Munda og co
15 september, 2006 18:52
Guðlaug sagði…
Vá hvað Viktor er orðinn mikill töffari - kominn í Henson-galla og allar græjur, algjör leikskólagaur ;)
Og Fannar verður alltaf sænskari og sænskari. Hef aðeins fylgst með sænska Idolinu og sé þar að Fannar fylgir greinilega hártískunni í Svíþjóð. Orðinn svo stór strákurinn.

Love, Guðlaug
19 september, 2006 21:24
Skrifa ummæli

Vinsælar færslur af þessu bloggi

Jólaskapið komið Hér er búið að snjóa í alla nótt og snjóar enn..... þar að auki alveg blankalogn þannig að það getur eiginlega ekki orðið jólalegra. Fannar er nú þegar búinn að henda tveimur snjóboltum í mig og var planið hans í dag að búa til fleiri. Það verður örugglega rosa stuð hjá honum í leikskólanum í dag :) Þetta barn stækkar svo mikið að hann er löngu vaxinn upp úr snjóbuxunum sínum síðan í fyrra vetur.... þær ná honum næstum upp á miðja kálfa! Það er sem sagt kominn tími til að við foreldrarnir kaupum handa honum nýjar kuldabuxur svo hann sé nú almennilega klæddur drengurinn.... ekki seinna vænna nú þegar snjórinn er kominn. Helgi var á næturvakt í nótt. Fannar tilkynnti við kvöldmatarborðið í gær að það væri bara gott að pabbi sinn væri að fara að vinna. Hann veit nefnilega að hann fær að kúra hjá mömmu sinni þegar pabbi hans er á vakt (þó hann hafi ekki nefnt það í framhaldinu :o)
7 ummæli
Lesa meira
Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....
8 ummæli
Lesa meira
Ég fór og heimsótti Huddinge sjukhus í gær. Fékk að fylgja eftir íslenskum sjúkraþjálfara sem vinnur þar. Hún gaf mér upp góðar upplýsingar um hvernig ég þarf að bera mig að til að fá löggildingu hér í Svíþjóð og svo erum við Edda búnar að vesenast smá í þeim málum nú í dag. Frábær tilfinning að þessir hlutir séu komnir í gang. Af því að ég er nú að tala um sjúkraþjálfun þá vil ég óska sjúkraþjálfaranum og vinkonu minni - henni Rósu - innilega til hamingju með daginn .... ég veit að hún er tryggur lesandi þessarar síðu. Nú er akkúrat vika þangað til mamma, pabbi, Guðlaug og Svenni koma í heimsókn.... mikil tilhlökkun í gangi hér á þessu heimili Að öðru leyti er ég búin að vera alveg farlama af harðsperrum undanfarna tvo daga. Hef ekki getað gengið upp og niður tröppur án þess að að finna gríðarlega til... meira að segja átt erfitt með að setjast á klósettið!!!!!!
3 ummæli
Lesa meira