Fara í aðalinnihald

tími til kominn

Hef verið ansi löt við bloggið. Ég er komin í smá tölvuvinnu (sem er reyndar alveg að verða búin) og fer því að pikka það inn þegar ég sest við tölvuna. En jæja..... allt gengur vel. Guðlaug og Svenni eru búin að heimsækja okkur og í dag kvöddum við Ernu tengdamömmu og Björn, afa Helga.

Viktor er kátur á leikskólanum og sömuleiðis Fannar í skólanum sínum. Sandra hefur þyngst um 1 kg. og lengst um 4 cm. Hún dafnar því vel. Best að enda þetta með nokkrum myndum af fjölskyldunni.

Viktor er svo góður við litlu systir og sýnir henni mikinn áhuga.


Bræðurnir saman, hausthreingerning í fullum gangi á lóðinni


Mæðgurnar saman.... girlpower :oD


Litli tígri með pappa sínum :)


Viktor úti að leika í snjónum

Ummæli

Nafnlaus sagði…
Er Helgi að safna í topp? :-)

Gutti
05 nóvember, 2006 22:18
Nafnlaus sagði…
Gaman að sjá myndir frá ykkur.
Myndarbörn og, ja ágætir foreldrar ;-)

Hér er sko engin snjór ennþá.... Hreiðar og Steinunn voru samt viss um að hann myndi mæta á 1. vetrardag. Allt tekið frekar bókstaflega.
kv Munda og co
06 nóvember, 2006 15:13
Guðlaug sagði…
Voðalega er þetta myndarleg fjölskylda!
08 nóvember, 2006 16:41
Skrifa ummæli

Vinsælar færslur af þessu bloggi

Jólaskapið komið Hér er búið að snjóa í alla nótt og snjóar enn..... þar að auki alveg blankalogn þannig að það getur eiginlega ekki orðið jólalegra. Fannar er nú þegar búinn að henda tveimur snjóboltum í mig og var planið hans í dag að búa til fleiri. Það verður örugglega rosa stuð hjá honum í leikskólanum í dag :) Þetta barn stækkar svo mikið að hann er löngu vaxinn upp úr snjóbuxunum sínum síðan í fyrra vetur.... þær ná honum næstum upp á miðja kálfa! Það er sem sagt kominn tími til að við foreldrarnir kaupum handa honum nýjar kuldabuxur svo hann sé nú almennilega klæddur drengurinn.... ekki seinna vænna nú þegar snjórinn er kominn. Helgi var á næturvakt í nótt. Fannar tilkynnti við kvöldmatarborðið í gær að það væri bara gott að pabbi sinn væri að fara að vinna. Hann veit nefnilega að hann fær að kúra hjá mömmu sinni þegar pabbi hans er á vakt (þó hann hafi ekki nefnt það í framhaldinu :o)
7 ummæli
Lesa meira
Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....
8 ummæli
Lesa meira
Ég fór og heimsótti Huddinge sjukhus í gær. Fékk að fylgja eftir íslenskum sjúkraþjálfara sem vinnur þar. Hún gaf mér upp góðar upplýsingar um hvernig ég þarf að bera mig að til að fá löggildingu hér í Svíþjóð og svo erum við Edda búnar að vesenast smá í þeim málum nú í dag. Frábær tilfinning að þessir hlutir séu komnir í gang. Af því að ég er nú að tala um sjúkraþjálfun þá vil ég óska sjúkraþjálfaranum og vinkonu minni - henni Rósu - innilega til hamingju með daginn .... ég veit að hún er tryggur lesandi þessarar síðu. Nú er akkúrat vika þangað til mamma, pabbi, Guðlaug og Svenni koma í heimsókn.... mikil tilhlökkun í gangi hér á þessu heimili Að öðru leyti er ég búin að vera alveg farlama af harðsperrum undanfarna tvo daga. Hef ekki getað gengið upp og niður tröppur án þess að að finna gríðarlega til... meira að segja átt erfitt með að setjast á klósettið!!!!!!
3 ummæli
Lesa meira