Alveg ótrúlegt hvað ég er dugleg við þetta núna. Það hjálpar að sjá að maður hefur enn trygga lesendur ;)
Þessi helgi er afmælishelgin ógurlega. Afmæli í gær í Uppsala og afmæli í dag í Stokkhólmi. Málin breyttust þó snögglega í gær þegar Viktor litli datt í afmælinu. Hann var að hoppa og leika sér úti á pallinum hjá Siggu. Snéri upp á fótinn og datt ofan á hann. Litli snúðurinn var alveg óhugganlegur lengi á eftir þannig að við ákváðum að fara með hann upp á bráðamótttökuna í Uppsala. Helgi fór með hann og við Sandra og Fannar vorum eftir í afmælinu. Við fengum svo far með Guðrúnu aftur til Stokkhólms eftir afmælið en Viktor og Helgi voru enn á spítalanum í Uppsala. Þeir feðgar komu ekki heim fyrr en um 23 leytið í gærkvöldi.... þá var Viktor kominn í gifs upp í nára. Litla dúllan mín er nefnilega fótbrotinn!! Hann þarf að vera í gifsi í 4-6 vikur, má ekki stíga í fótinn í 2 vikur og þá má taka efri hlutann af gifsinu af. Hann er búinn að vera ótrúlega duglegur. Hann segist vera með stóran plástur á fætinum :) Sem betur fer er hann ekki með mikla verki núna og hann steinsvaf í alla nótt.

Okkur líður sem sagt vel núna eftir áfallið. Viktor fer ekki í afmæli í dag en Fannar og Sandra fá að fara :) Ég skal setja inn myndir af Viktornum fljótlega, en þangað til... bless bless.