Fara í aðalinnihald
Hér fáið þið loksins myndir af fótbrotna karlinum

Þessar myndir voru teknar fyrsta daginn

Bræðurnir að horfa á barnaefni með sitt hvorn pezkarlinn :)

Hlutirnir ganga bara nokkuð vel. Viktor aðlagast gifsinu vel. Hann skríður um allt á rassinum og sveiflar fætinum fram og tilbaka. Það þarf að minna hann á að hann fær ekki að stíga í fótinn því stundum vill hann standa upp. Á þriðjudaginn fórum við í heimsókn á leikskólann. Við erum núna búin að plana að hann fari aftur á leikskólann á mánudaginn. Það ætti að ganga vel... það þarf bara að passa að gifsið blotni ekki og að Viktor stigi ekki í fótinn.

Sandra situr í tröppunni. Hún labbar út um allt þessa dagana. Er ansi völt en er á fullu að æfa sig.... sbr. videó-ið að neðan.


Ummæli

Nafnlaus sagði…
Váá hvað ég er ánægð með Njarðvíkur litinn á gifsinu!!! Fékk Helgi að velja?? Gott að allt gengur þolanlega. Sandra sæt svona völt og fín ;-)
kv Munda
06 september, 2007 22:27
Guðlaug sagði…
Rosalega er hann flottur með gifsið - gott að þetta gengur vel. Æðislega gaman að sjá video af Söndru LABBA!! Til hamingju með hana :o*

Takk fyrir að setja svona fínar myndir og video á netið. Gerir fjarlægðina aðeins þolanlegri. Nú styttist í að við verðum lengra en í klukkutíma flugfjarlægð. Það mun nú samt ekki stoppa okkur í að koma til ykkar.

Love,
litla sys
07 september, 2007 18:15
Nafnlaus sagði…
Það er aldeilis líf í tuskunum hjá ykkur og nóg að gera! Ég sem ætlaði að fara að stinga upp á kaffihúsaferð á næstunni...vona bara það besta, að snáðinn grói fljótt og vel og að við hittumst áður en langt um líður.
Flott litla skvísan, bara farin að "hlaupa" um. Ef marka má breytinguna hér þegar Hekla Sól fór að skríða þá get ég rétt ímyndað mér hvernig þetta er hjá ykkur mæðgum...friðurinn úti!!! Heyrumst fljótlega
kær kveðja Linda
08 september, 2007 22:43
Skrifa ummæli

Vinsælar færslur af þessu bloggi

Jólaskapið komið Hér er búið að snjóa í alla nótt og snjóar enn..... þar að auki alveg blankalogn þannig að það getur eiginlega ekki orðið jólalegra. Fannar er nú þegar búinn að henda tveimur snjóboltum í mig og var planið hans í dag að búa til fleiri. Það verður örugglega rosa stuð hjá honum í leikskólanum í dag :) Þetta barn stækkar svo mikið að hann er löngu vaxinn upp úr snjóbuxunum sínum síðan í fyrra vetur.... þær ná honum næstum upp á miðja kálfa! Það er sem sagt kominn tími til að við foreldrarnir kaupum handa honum nýjar kuldabuxur svo hann sé nú almennilega klæddur drengurinn.... ekki seinna vænna nú þegar snjórinn er kominn. Helgi var á næturvakt í nótt. Fannar tilkynnti við kvöldmatarborðið í gær að það væri bara gott að pabbi sinn væri að fara að vinna. Hann veit nefnilega að hann fær að kúra hjá mömmu sinni þegar pabbi hans er á vakt (þó hann hafi ekki nefnt það í framhaldinu :o)
7 ummæli
Lesa meira
Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....
8 ummæli
Lesa meira
Ég fór og heimsótti Huddinge sjukhus í gær. Fékk að fylgja eftir íslenskum sjúkraþjálfara sem vinnur þar. Hún gaf mér upp góðar upplýsingar um hvernig ég þarf að bera mig að til að fá löggildingu hér í Svíþjóð og svo erum við Edda búnar að vesenast smá í þeim málum nú í dag. Frábær tilfinning að þessir hlutir séu komnir í gang. Af því að ég er nú að tala um sjúkraþjálfun þá vil ég óska sjúkraþjálfaranum og vinkonu minni - henni Rósu - innilega til hamingju með daginn .... ég veit að hún er tryggur lesandi þessarar síðu. Nú er akkúrat vika þangað til mamma, pabbi, Guðlaug og Svenni koma í heimsókn.... mikil tilhlökkun í gangi hér á þessu heimili Að öðru leyti er ég búin að vera alveg farlama af harðsperrum undanfarna tvo daga. Hef ekki getað gengið upp og niður tröppur án þess að að finna gríðarlega til... meira að segja átt erfitt með að setjast á klósettið!!!!!!
3 ummæli
Lesa meira