rauðhetta

Jæja jæja jæja!! Heill mánuður og rúmlega það síðan síðast. Samt ekki mikið búið að gerast... nema kannski að mamma og pabbi eru komin og farin og við kvöddum tengdó í dag. Það gengur verulega hægt að byrja að leita að vinnu. Á voðalega erfitt með að klára ferilskrána. Finn mér alltaf eitthvað annað að gera í staðinn :/

Það er orðin jólalegt hjá okkur núna. Búin að hengja upp nokkur jólaljós, aðventukransinn er kominn á stofuborðið og búin að baka tvær sortir. Við skreyttum meira að segja piparkökur með tengdó um helgina... mjög gaman.
Fannar er búinn að fara í fyrstu skautaferðina með skólanum. Við keyptum á hann nýja skauta enda var hann búinn að nota þá gömlu í tvö ár. Hann er rosa kátur með skautana og var svo spenntur daginn fyrir ferðina að hann gat varla sofið. Núna á fimmtudaginn fara krakkarnir á jólamarkað í Gamla Stan.... ekki síður spennandi :)

Sandra er algjör hetja á leikskólanum. Gengur alveg hrikalega vel. Það gengur meira að segja betur að kveðja Viktor á leikskólanum eftir að hún byrjaði. Eins og er eru allir frískir.... 7-9-13... bara kvef í litlu krökkunum (hvenær er það ekki hehe!!?).

Þá ætla ég að slútta þessu að sinni. Næst skal ég setja inn myndir af liðinu. Bless í bili :)

Ummæli

Nafnlaus sagði…

Gaman að fá smá blogg.
Þú ert tveim sortum á undan mér kona!!! Kannski Jói Fel hjálpi mér bara???
kv Munda

04 desember, 2007 23:05

Vinsælar færslur af þessu bloggi

Arnar er í heimsókn hjá okkur núna

Lesa meira

Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....

Lesa meira

Eins og þið flest líklega vitið er litla prinsessan fædd.... lítil snúlla sem hefur fengið nafnið Sandra Ósk. Hún ákvað að drífa sig í heiminn aðfaranótt 3. október. Hún var að flýta sér svo mikið að ljósmóðirin sem tók á móti henni náði ekki einu sinni að skrá mig inn á fæðingardeildina áður en hún fæddist. Þessar ljósmæður verða alltaf jafn hissa hversu fljót þessi börn mín eru að koma í heiminn..... Fannar er rosalega stoltur af systur sinni. Nefnir nokkrum sinnum á dag hversu lítil og sæt honum finnst hún. Viktor aftur á móti hefur verið í smá baráttu um athygli en virðist þó vera farinn að sætta sig við hlutina núna. Hann er samt voða góður við hana og vill endalaust knúsa og kyssa hana. Allt gengur vel að öðru leyti. Sandra drekkur vel og sefur mikið.... alveg eins og það á að vera þegar maður er svona pínulítill. Hún er rosalega vær og góð.... algjör snúlla :) Fyrsta baðið - 6 daga gömul

Lesa meira