Fara í aðalinnihald

mæðraskoðun, gestir og afmæli


Var að koma úr mæðraskoðun... allt í góðu lagi eins og vanalega. Nú fer heldur betur að styttast í þetta - bara tvær vikur eftir af fullri meðgöngu. Ég er líka aðeins farin að þreytast og finn virkilega fyrir því þegar ég er að puða eitthvað við heimilisstörfin eða þegar ég fer á æfingar. Það eru allir svo ákveðnir yfir því að þetta verði strákur þannig að þetta verður örugglega stelpa hehe.... við erum alla vega komin með hugmyndir að bæði stráka nafni og stelpu nafni :)

Raggi og Munda koma á morgun. Munda ætlar ekki að láta sér leiðast hérna... búin að vera að skoða túristaferðir og leiksýningar á netinu. Ég held að Guðrún öfundi Mundu doldið fyrir þessa heimsókn.... alla vega ekki hægt að sjá annað á commentunum undanfarið hehe ;) ... Þau hjónakornin - Guðrún og Steini - verða bara að koma til okkar í sumar. Líka miklu betra að fá að sjá sænska sumarið hérna ;)

Mótorhjólatöffarinn hann pabbi minn á afmæli í dag. Til hamingju með daginn elsku pabbi. Og Gutti - bróðir hans Helga - á líka afmæli í dag... til hamingju með daginn Gutti

Ummæli

Nafnlaus sagði…
Gott að meðgangan gengur vel. Spái stelpu en tek það fram að ég hef yfirleitt alltaf rangt fyrir mér þegar kemur að því að veðja á kyn ;o).
Öfunda R & M ekkert svakalega mikið, er bara gráti næst :(, við stefnum að sjálfsögðu að því að koma sem fyrst ekki spurning. Ágætt að láta Mundu taka þetta út áður en við mætum. Það er allavegana ljóst að þau eru að fara úr vetrarríkinu á Ísl í VETURINN í Sverige; spáin hjá ykkur er ansi cool, brrrr.
Góða skemmtun um helgina ;)
G.
16 febrúar, 2005 12:31
Nafnlaus sagði…
Já það verður gaman að sjá vetur í Svíþjóð. Guðrún mín þú ert ekki búin að svara mér, ætlar þú að skutla okkur í fyrramálið? HMMM? Get í leiðinni lánað þér vasaklút til að gráta í fögrum tárum.
KV Munda
16 febrúar, 2005 16:09
Skrifa ummæli

Vinsælar færslur af þessu bloggi

Jólaskapið komið Hér er búið að snjóa í alla nótt og snjóar enn..... þar að auki alveg blankalogn þannig að það getur eiginlega ekki orðið jólalegra. Fannar er nú þegar búinn að henda tveimur snjóboltum í mig og var planið hans í dag að búa til fleiri. Það verður örugglega rosa stuð hjá honum í leikskólanum í dag :) Þetta barn stækkar svo mikið að hann er löngu vaxinn upp úr snjóbuxunum sínum síðan í fyrra vetur.... þær ná honum næstum upp á miðja kálfa! Það er sem sagt kominn tími til að við foreldrarnir kaupum handa honum nýjar kuldabuxur svo hann sé nú almennilega klæddur drengurinn.... ekki seinna vænna nú þegar snjórinn er kominn. Helgi var á næturvakt í nótt. Fannar tilkynnti við kvöldmatarborðið í gær að það væri bara gott að pabbi sinn væri að fara að vinna. Hann veit nefnilega að hann fær að kúra hjá mömmu sinni þegar pabbi hans er á vakt (þó hann hafi ekki nefnt það í framhaldinu :o)
7 ummæli
Lesa meira
Aftur mætt á bloggið! Þá er Íslandsförinni lokið og ég hef nógan tíma til að sitja yfir þessu bloggi aftur. Það var nú mjög gott að koma heim aftur en þó líka doldið einmanalegt þegar ég fór með Fannar á leikskólann í gær..... aftur orðin ein! Edda vinkona er komin á fullt í vinnu þannig að það er ekki hægt að bögga hana lengur yfir daginn.... það er þó stutt í nýja fjölskyldumeðliminn þannig að það verður bráðum nóg að gera. Helgi er á fullu núna að pæla í bílakaupum.... ég kann ekkert á þessi mál þannig að hann grúskar einn í þessu - hann sýnir mér samt myndir bara svona til að fá samþykki mitt hehehe. Skilyrðin eru þó þau að við kaupum sjálfskiptan station bíl með loftkælingu. Erum með einn Opel Omega í sigtinu núna og fer hann líklega að skoða hann á morgunn.... spennandi! Það er strax búið að bóka gistipláss hjá okkur í febrúar.... endalaus gestagangur hjá okkur :) en það eru Raggi og Munda sem ætla að kíkja til okkar. Hlökkum að sjálfsögðu til að fá þau í heimsókn....
8 ummæli
Lesa meira
Ég fór og heimsótti Huddinge sjukhus í gær. Fékk að fylgja eftir íslenskum sjúkraþjálfara sem vinnur þar. Hún gaf mér upp góðar upplýsingar um hvernig ég þarf að bera mig að til að fá löggildingu hér í Svíþjóð og svo erum við Edda búnar að vesenast smá í þeim málum nú í dag. Frábær tilfinning að þessir hlutir séu komnir í gang. Af því að ég er nú að tala um sjúkraþjálfun þá vil ég óska sjúkraþjálfaranum og vinkonu minni - henni Rósu - innilega til hamingju með daginn .... ég veit að hún er tryggur lesandi þessarar síðu. Nú er akkúrat vika þangað til mamma, pabbi, Guðlaug og Svenni koma í heimsókn.... mikil tilhlökkun í gangi hér á þessu heimili Að öðru leyti er ég búin að vera alveg farlama af harðsperrum undanfarna tvo daga. Hef ekki getað gengið upp og niður tröppur án þess að að finna gríðarlega til... meira að segja átt erfitt með að setjast á klósettið!!!!!!
3 ummæli
Lesa meira